Vinna hluta úr mánuði

Þegar unninn er 8 stunda vinnudagur reglubundið, reiknast brot úr mánaðarlaunum þannig að deilt er með 21,67 í mánaðarlaunin og margfaldað með fjölda almanaksdaga annarra en laugardaga og sunnudaga frá upphafi eða til loka starfstíma.

Þetta ákveðið er meðal annars notað þegar starfsmaður hefur nýlega hafið störf og ekki unnið heilan mánuð.

Kaup og álagsgreiðslur

Tímakaup í dagvinnu er 0,615% af mánaðarkaupi í hverjum launaflokki og þrepi. Yfirvinna er greidd með tímakaupi þar sem tímakaup í hverjum launaflokki er 1,0385% af mánaðarlaunum. Öll vinna sem unnin er á stórhátíðum greiðist með tímakaupi sem nemur 1,375% af mánaðarlaunum.
Álagsgreiðslur reiknast af tímakaupi í dagvinnu og eru mismunandi eftir því hvenær sólahringsins unnið er og á hvaða dögum.

Persónuuppbót í desember

Desemberuppbót fá starfsmenn sem uppfylla ákveðin skilyrði sem kveðið er á um í kjarasamningum. Nokkuð mismunandi er eftir stéttarfélagi og launagreiðanda hvaða skilyrði þurfa að vera uppfyllt til að fá greidda persónuuppbót í desember. Auk þess geta upphæðir verið nokkuð mismunandi.