Vinnutími

Sérstakur kafli er tileinkaður vinnutíma í kjarasamningum, þar sem m.a. er fjallað um fjölda tíma í fullri vinnuviku, frídaga, dagvinnutímabil og hvernig meðhöndla eigi ýmis atriði er varða frávikum frá almennum reglum um vinnutíma.
Hér gefst félagsmönnum sem starfa í dagvinnu möguleiki á að reikna út starfshlutfall sitt m.v. þær forsendur sem slegnar eru inn. Vinna stendur nú yfir til að mögulegt sé að vaktavinnustarfsfólk geti einnig nýtt sér þessa þjónustu. Síðar má gera ráð fyrir að aðrir þættir bætist hér við á borð við frítökurétt og útreikningur á fríi í stað bakvakta.

Hafa skal í huga að útreikningar þeir sem hér birtast eru aðeins til viðmiðunar og gefa ekki bindandi niðurstöðu.

Vinnutími

Starfshlutfall

Þegar reiknað er út starfshlutfall dagvinnustarfsmanns þarf að líta til vinnu hans á dagvinnutímabili, matartíma auk kaffitíma. Dagvinnutímabil er að jafnaði frá klukkan 08:00 til 17:00 frá mánudegi til föstudags en heimilt er að verða við óskum einstkra
starfsmanna um sveigjanlegan vinnutíma á tímabilinu frá klukkan 07:00 til 18:00.

Matartími telst eigi til vinnutíma en hann skal að öllu jöfnu vera á tímabilinu frá 11:30 til 13:30. Starfsmaður sem vinnur fullan vinnudag á rétt á tveimur kaffitímum, 15 mín. og 20 mín. og teljast þeir ekki til vinnutíma. Kaffitíma má lengja, stytta eða fella niður með samkomu-
lagi starfsmanna og forstöðumanna og gildir það sama um matartíma.