Norræna verkalýðssambandið (NFS) auglýsir lausa stöðu framkvæmdastjóra frá og með 13. ágúst 2011. Helstu verkefni framkvæmdastjóra eru að stýra skrifstofu NFS, starfa með stjórn þess og kynna NFS út á við. Ráðið verður í stöðuna til fjögurra ára í senn með möguleika á framlengingu.

Þing EPSU gagnrýndi jafnframt harðlega stefnu Alþjóðagjaldeyrissjóðsins gagnvart þeim löndum Evrópu sem þurft hafa að leita á náðir hans. Sú stefna, sem nýtur stuðnings framkvæmdastjórnar Evrópusambandsins, hefur skilyrt lán sín því að lánþegar dragi úr framlögum til almannaþjónustunnar og öðrum útgjöldum hins opinbera. Skilyrði sjóðsins urðu þannig til þess að ríkisstjórn Lettlands ákvað í síðustu viku að lækka laun allra opinberra starfsmanna um 50%

Þá gagnrýnir ETUC Alþjóðagjaldeyrissjóðinn (ASG) fyrir að neyða þjóðir til að lækka laun og skera niður opinber störf og félagsleg útgjöld sem gjald fyrir að þiggja neyðarlán sjóðsins. Þessi aðferðafræði dýpki kreppuna og að meðul sjóðsins geti orðið verri en sjúkdómurinn. Þá er framkvæmdanefnd ESB gagnrýnd fyrir að setja þau skilyrði fyrir lánveitingum úr jöfnunarsjóði ESB,  að þær þjóðir sem á þeim þurfa að halda lúti skilyrðum AGS. Þannig veiki framkvæmdanefnd ESB beinlínis grundvöllinn fyrir „hinu félagslega kerfi Evrópu" (The European Social Model) í mörgum aðildarlöndum ESB.

BSRB stóð fyrir opnum fundi um Evrópusambandið í dag. Þetta er annar fundurinn í röð funda sem BSRB hyggst standa fyrir um Ísland og ESB. Á fundinum var fjallað um afstöðu  ESB til sjávarútvegs og iðnaðar. Framsögumenn voru Aðalsteinn Leifsson lektor við Háskólann í Reykjavík og Bjarni Már Gylfason hagfræðingur Samtaka iðnaðarins.

Opinn fundur verður um Evrópusambandið á vegum BSRB föstudaginn 20. mars kl. 14 - 16 í BSRB - húsinu Grettisgötu 89. Á fundinum verður fjallað um stefnu ESB í sjávarútvegi og iðnaði. Framsögu hafa Aðalsteinn Leifsson lektor við Háskólann í Reykjavík og Bjarni Már Gylfason hagfræðingur Samtaka iðnaðarins.

BSRB stóð fyrir opnum fundi um Evrópusambandið í dag. Þetta var fyrsti fundurinn í röð funda sem BSRB hyggst standa fyrir um Ísland og ESB. Á fundinum var fjallað um stöðu smáríkja innan ESB og hvaða áhrif aðild að sambandinu gæti haft á íslenskan landbúnað. Framsögumenn voru Baldur Þórhallsson, Jean Monnet prófessor í stjórnmálafræði við Háskóla Íslands og Sigurður Jóhannesson sérfræðingur við Hagfræðistofnun Háskóla Íslands.

BSRB stendur fyrir opnum fundi um Evrópusambandið föstudaginn 20. febrúar kl. 14 - 16 í BSRB - húsinu Grettisgötu 89. Á fundinum verður fjallað um stöðu smáríkja innan ESB og afstöðu sambandsins til landbúnaðarmála. Framsögumenn eru Baldur Þórhallsson, Jean Monnet prófessor í stjórnmálafræði við Háskóla Íslands og Sigurður Jóhannesson sérfræðingur við Hagfræðistofnun Háskóla Íslands. Fundarstjóri er Helga Jónsdóttir framkvæmdastjóri BSRB. Að loknum framsöguerindum verður opnað fyrir spurningar úr sal. Fundurinn er öllum opinn.

ETUC, ásamt Alþjóðasambandi verkalýðsfélaga ITUC og Sambandi starfsmanna fjármálastofnana í Evrópu, Uni-Europe, vinnur nú að því hvernig verkalýðsfélög geta brugðist við þessari kreppu, en það er alveg skýrt að eftirfarandi þarf að gerast:

-          opinberu fé sem dælt er inn í fjármálastofnanir þurfa að fylgja opinber ítök og stjórn, þannig að grundvallarbreytingar á framgöngu fylgi í kjölfarið.

-          nauðsyn er á mun stífari stjórn á möguleikum fjármálastofnana til að magna upp umsvif sín, með því að styrkja hlutfall traustra eigna gagnvart skuldbindingum,

Heimurinn þarf á frekari samvinnu að halda, en það að Doha-viðræðurnar fóru út af sporinu eru góðar fréttir fyrir þau okkar - og þar er PSI meðtalið, sem telja að eigi að nást árangur í baráttunni gegn fátækt og óréttlæti og eigi þúsaldarmarkmið Sameinuðu þjóðanna að nást, sé eina leiðin sú að byggja upp opinbera almannaþjónustu af bestu gæðum og tryggja virðingu fyrir rétti verkafólks til sanngjarnra launa. Það hlýtur að verða kjarninn í stefnu okkar. Alþjóðaviðskiptastofnunin féll á því lokaprófi. „

Fjölmörg verkalýðs-, félaga- og hagsmunasamtök hafa fagnað því að Doha-viðræðunum lauk án þess að fyrirliggjandi tillögur fengu samþykki. Fögnuðurinn ræðst ekki af því að viðkomandi samtök telji Doha-viðræðurnar ekki mikilvægar til að ná fram réttlátara viðskiptakerfi í heiminum, heldur af því að ekki hafi verið boðið upp á slíkt réttlátara kerfi nú af hálfu velmegandi ríkjanna. Hagsmunir stórfyrirtækja hafi verið í fyrirrúmi, en hagsmunir bænda, verkafólks og þróunarlandanna hafi verið fyrir borð bornir. Því hafi engir samningar nú verið betri en slæmir.