Eitt stærsta orkufyrirtæki Bretlands, British Energy, sem framleiðir og selur 25 % rafmagns í Bretlandi, hefur ítrekað sent út viðvörun um að án frekari aðstoðar frá hendi hins opinbera stefni í gjaldþrot fyrirtækisins.

Hlutabréf í franska fjölþjóðafélaginu Vivendi, sem er eitt af stærstu vatnsveitufyrirtækjum heimsins, hafa á einu ári fallið um 80%.

Norsk raforkufyrirtæki raka saman milljörðum. Nú hækkar verðið á ný. Þeir hafa komist upp með að kjafta verðið upp hvert haust, segir framkvæmdastjóri Neytendaráðsins, Per Anders Stalheim.

Stórframleiðendur rafmagns eru grunaðir um að hafa notað klæki á rafmagnsmarkaðnum til að þvinga fram hærra rafmagnsverð og eru nú til rannsóknar hjá fjármálaeftirlitinu.

Hollenska ríkisstjórnin lagði fram lagafrumvarp 6. maí sl.,  til breytingar á vatnsveitulögum með það að markmiði að tryggja hinu opinbera óskorað eignarhald á vatnsveitum til almennrar notkunar.

Svissneskir kjósendur höfnuðu áætlunum stjórnvalda um að markaðsvæða raforkugeirann í landinu.