Erlent
19.12.2005
Uppbygging PSI-félaga um allan heim
PSI skipuleggur öflugt uppbyggingarstarf um allan heim, ýmist til að koma á legg stéttarfélögum í almannaþjónustu eða til að taka á ákveðnum baráttumálum eða óleystum vandamálum. Hér að neðan er hægt að fara inn á síðu PSI þar sem gerð er grein fyrir þeim verkefnum sem eru í gangi víða um heim.
30.11.2005
145 baráttumenn í verkalýðsfélögum myrtir
Á síðasta ári voru 145 manneskjur myrtar vegna þess að þau tóku þátt í starfi verkalýðsfélaga og fjölgaði skráðum morðum um 13 frá árinu á undan. Raunverulegar tölur eru þó eflaust mun hærri. Þá eru ótalinn sá fjöldi sem er rekinn úr starfi fyrir það eitt að krefjast sanngjarnra réttinda og í löndum án velferðarkerfis, þýðir það ávísun á fátækt og örbirgð.
30.11.2005
Tímasprengja í túndrunni
Verði ekki gripið til raunhæfra aðgerða strax kann brátt að verða um seinan að stöðva loftslagsbreytingar. Nýlegar rannsóknir rússneskra visindamanna benda til að sífrerinn í norður Rússlandi og Síberíu sé tekinn að þiðna. Við það losnar umtalsvert magn af metangasi sem er öflug gróðurhúsalofttegund.
24.11.2005
Þjónustutilskipun ESB umdeild sem aldrei fyrr!
Segir í ályktun ETUC, Evrópusambands verkalýðsfélaga sem bæði BSRB og ASÍ eru aðilar að, að verði ekki fallið frá áherslum nýfrjálshyggjunnar í tilskipuninni, muni verkalýðshreyfingin hætta öllu samstarfi um endurbætur á tilskipuninni og krefjast þess að hún verði dregin til baka í heild sinni.
22.11.2005
Argentína: Alþjóðleg vatnsfyrirtæki að pakka saman
Suez hefur einnig uppi ráðagerðir um að hlaupa frá fyrrum mjög svo ábatasömum einkaleyfissamningi í Buenos Aires höfuðborg Argentínu. Var sá samningur, sem undirritaður var 1993, stærsti samningur heims um einkavæðingu á vatni á þeim tíma.
Í báðum tilfellum er franska fjölþjóðafyrirtækið að hlaupa frá 30 ára samningi eftir aðeins um þriðjung samningstímans. Suez fær ekki lengur gróða sem þeim finnst ásættanlegur – a.m.k. ekki á meðan að þeir þurfa að halda sig við upprunalegan samning.
11.11.2005
Stórfyrirtækin skamma ríkisstjórnir, hæla sjálfum sér, falsa söguna og uppskera andsvör
Þó svo við förum í engar grafgötur með af hverju stórfyrirtækin eru svo áfram um að ljúka þessari samningalotu, þá er staðhæfing þeirra um að “viðskiptafrelsun” (trade liberalisation) sé “sterkur drifkraftur fyrir alþjóðlegan hagvöxt, atvinnusköpun og aukið val neytenda” algjörlega afvegaleiðandi.
29.8.2005
Markaðsblinda olli rafmagnsleysinu í USA
“Markaðsvæðing og umbreyting raforkuiðnaðarins í Bandaríkjunum hafa haft tortímandi áhrif á áreiðanleika norður – ameríska raforkukerfisins og eru grunnorsök þess að kerfið hrundi þann 14. ágúst 2003.” Þetta er niðurstaða skýrslu þriggja sérfræðinga um raforkukerfið og áreiðanleika þess, sem kom út á tveggja ára afmæli víðtækasta og afdrifaríkasta hruns bandaríska raforkukerfins. ‘I skýrslunni er farið yfir þessa niðurstöðu út frá mörgum sjónarhornum, og áréttað að kjarni vandans hafi verið “ nánast blind trú og traust á markaðinn að leysa jafnvel hin flóknustu vísindalega vandamál.”
14.6.2005
Raforkan í rannsókn hjá ESB
Eins og kunnugt er samþykkti Evrópusambandið nýjar tilskipanir á þessum mörkuðum fyrir nokkrum árum sem tryggja átti samkeppni í höndum einkaaðila. Samkeppni, á sem kunnugt er, að vera allra meina bót þannig að menn biðu spenntir eftir því að raforkuverð lækkaði, að “valfrelsi” neytenda ykist, afhendingaröryggi yrði meira, að betra viðhald og auknar fjárfestingar tryggðu öryggi og uppbyggingu o.s.frv. Ekkert af þessu hefur gerst, þvert á móti sýndi stöðumatsskýrsla Evrópusambandsins sjálfs frá í fyrra, þveröfuga þróun.
17.5.2005
Svindlað á samkeppninni
En nú hefur Sænska fjármálaeftirlitið, Finansinspektionen, sent frá sér skýrslu þar sem segir að alvarlegir ágallar séu á því hvernig upplýsingagjöf sé háttað á markaðnum, þannig að möguleikar á innherjaviðskiptum séu opnir. Aðilar á raforkukauphöllinni fái ekki allir upplýsingar á sama tíma, þannig að þeir sem eru fyrri til að fá upplýsingar geti nýtt sér þær til fjárhagslegs ávinnings. Þá segir ennfremur í skýrslunni, að mörg orkufyrirtæki sem starfandi séu á Nord Pool markaðnum, leki upplýsingum á milli deilda innan síns fyrirtækis og því séu fjármála- og markaðsdeildir með upplýsingar frá framleiðsluhlutum sama fyrirtækis sem gefi þeim upplýsingar sem aðrir hafa ekki.
2.5.2005
Almannaþjónusta á tímum alþjóðavæðingar
Það eru nokkur atriði sem að blasa við þegar maður lítur á svona samninga eins og GATS og þjónustutilskipunina. Þetta eru engir vanalegir samningar um viðskipti landa á milli. Þetta eru pólitísk plögg, byggð á ákveðinni hugmyndafræði, - nýfrjálshyggju- kenningunum. Þessir samningar eiga að tryggja að fyrirtækin muni ekki fá samkeppni frá opinberum aðilum, þeir opna fyrirtækjunum þá þjónustumarkaði sem hið opinbera hefur sinnt og hrekja hið opinbera burt af vettvangi. Þeir koma í veg fyrir að hið opinbera geti þróað almannaþjónustu sína þannig, að hún þjóni þegnunum á sem bestan máta.
2.5.2005
Áframhaldandi átök um þjónustutilskipunina
Iðnaðarnefnd Evrópuþingsins hefur skilað áliti á Þjónustutilkipunni og vill hafa hana að mestu óbreytta. Hafnar nefndin þeim hugmyndum um breytingar sem komu fram í áliti Evelyne Gebhart, sem vill gera róttækar breytingar á tilskipuninni þó hún gangi ekki jafnlangt og Umhverfisnefnd Evrópuþingsins vildi ganga og sagt hefur verið frá hér á síðunni.
8.4.2005
Evrópudómstólinn opnar á milljarða greiðslur til alþjóðlegra fyrirtækja
Úrskurður forseta Evrópudómstólsins frá í vikunni getur leitt til þess að alþjóðleg fyrirtæki innan ESB krefjist milljarða greiðslna frá ríkisstjórnum sínum í formi endurgreidds skatts. Úrskurðaði dómstólinn að bresk lög, sem hamla bresku (móður-)fyrirtæki að nýta sér skattalegt tap dótturfyrirtækja sinna sem eru staðsett í öðrum löndum, kunni að ganga gegn lögum ESB um rétt fyrirtækja til staðfestu.
7.4.2005
Morgan Stanley braskar á raforkumarkaði Norðurlanda
Ráðgjafi íslensku ríkisstjórnarinnar við sölu Símans, bandaríski stórbankinn Morgan Stanley, slapp með skrekkinn í síðustu viku, þegar að stjórn Nord Pool, sameiginlegrar raforkukauphallar Norðurlanda, ákvað að sleppa bankanum við fjársektir. Það gerist þrátt fyrir að bæði innra eftirlit Nord Pool og fjármálaeftirlit Noregs (Kredittilsynet) höfðu komist að þeirri niðurstöðu að Morgan Stanley hefði gerst brotlegur við reglur Nord Pool sem og að efnahagsbrotadeild norsku lögreglunnar Ökokrim, hafi fengið málið til umfjöllunar.
23.3.2005
Ráðherrar slá úr og í með þjónustutilskipunina
Á fundi ráðherranna 25 var enginn sem varði þjónustutilskipunina óbreytta. Samkvæmt D.N. var það mat Görans Persons forsætisráðherra Svíþjóðar að allir hafi verið samsinna því að það sem mestu máli núna skipti væri að “rugga ekki bátnum til þess að skapa ekki vandamál í þeim löndum þar sem andstaðan gegn þjónustutilskipuninni hefur verið mest.”
22.3.2005
Frjáls félagasamtök (NGO´s) njóta mest trausts meðal álitsgjafa
Nýleg könnun sýnir að frjáls félagasamtök eða grasrótarsamtök njóta meira traust með “álitsgjafa” en stjórnmálamenn, viðskiptajöfrar eða fjölmiðlar beggja vegna Atlantshafs.
22.3.2005
PSI: Hættið að einkavæða vatnið!
Í yfirlýsingu sem Alþjóðasamtök starfsmanna í almannaþjónustu, Public Services International (PSI) hafa sent frá sér Í tilefni að alþjóðlega vatnsdeginum 22. mars 2005, er hvatt til þess að einkavæðingu vatns verði hætt þegar í stað.
“Af einkavæðingu vatns hefur leitt lélegri þjónusta, hærra verð fyrir hina fátæku, meiri spilling, umhverfisvandamál svo fátt eitt sé nefnt. Vandamálalistinn er langur og afleiðingar einkavæðingar geta verið hörmulegar fyrir samfélög og ríkisstjórnir.
21.3.2005
75 þúsund mótmæla þjónustutilskipuninni!
“Evrópskar ríkisstjórnir hlustið á verkalýðsfélögin!”. Þetta var meginkrafa 75 þúsund félaga í verkalýðshreyfingunni sem fylktu liði sl. laugardag, 19. mars, til að sýna andstöðu við þjónustutilskipun Evrópusambandsins og fyrirhugaðar breytingar á vinnutímatilskipun ESB. Voru þessar kröfur ætlaðar ráðherrum sem munu taka þátt í vorþingi (Spring summit) ESB í næstu viku.
16.3.2005
Enn sigur gegn Þjónustutilskipuninni
Enn einn sigur vannst gegn Þjónustutilskipuninni í gær (15.03.2005) þegar nefnd Evrópuþingsins um umhverfismál, almannaheilsu og matvælaöryggi, samþykkti tillögur að róttækum breytingum á tilskipuninni. Breytingartillögurnar sem samþykktar voru ganga m.a. út á að upprunalandsreglan verði afnumin með öllu, að heilbrigðisþjónusta falli utan þjónustutilskipunarinnar og auk þess var samþykkt að þjónustutilskipuninn yrði ekki afgreidd fyrr en tilskipun um almannaþjónustu hefði fengið afgreiðslu. Það vekur sérstak a athygli að breytingartillögurnar voru samþykktar með 45 atkvæðum gegn 5, sem þýðir að breið samstaða allra flokka var um afgreiðsluna.
2.3.2005
Krefjast atkvæðagreiðslu á þingi um aðild USA í WTO
Andstæðingar aðildar Bandaríkjanna í Alþjóðaviðskipta-
stofnuninni, WTO, úr röðum bandarískra þingmanna, hóta nú að krefjast atkvæðagreiðslu í bandaríska þinginu um hvort Bandaríkin eigi að segja sig úr WTO eða ekki. Samkvæmt bandarískum lögum er hægt að fara fram á slíka atkvæðagreiðslu á fimm ára fresti. Fyrsta skrefið í því ferli er að viðskiptaskrifstofa Bandaríkjanna (U.S. Trade Representative's office, sem heyrir undir skrifstofu forseta) verður að skila skýrslu um kosti og galla veru Bandaríkjanna innan WTO.
stofnuninni, WTO, úr röðum bandarískra þingmanna, hóta nú að krefjast atkvæðagreiðslu í bandaríska þinginu um hvort Bandaríkin eigi að segja sig úr WTO eða ekki. Samkvæmt bandarískum lögum er hægt að fara fram á slíka atkvæðagreiðslu á fimm ára fresti. Fyrsta skrefið í því ferli er að viðskiptaskrifstofa Bandaríkjanna (U.S. Trade Representative's office, sem heyrir undir skrifstofu forseta) verður að skila skýrslu um kosti og galla veru Bandaríkjanna innan WTO.
28.2.2005
Bandaríkjamenn að vakna til andstöðu við WTO
Ef að fyrirtækjum finnst eins og ákveðnar stjórnvaldsaðgerðir, lög eða reglugerðir séu í andstöðu við þessa meginstefnu og geta vitnað í hin ýmsu ákvæði viðskiptasamninganna máli sínu til stuðnings, þá geta þau beitt ríkisstjórnum sínum til að kæra málið t.d. til dómsstóls WTO. Í þeim dómstól sitja hverju sinni menn sem líta eingöngu á þröngan lagalegan skiling samninganna og annað verður að víkja. Dómsniðurstöðum verður ekki áfrýjað.
Til að taka dæmi til skýringar má t.d. nefna málsókn kanadísks fyrirtækis Methanex corp. með hjálp ríkisstjórnar sinnar á hendur Kaliforníu-ríki. Kalifornía hafði bannað íblöndunarefnið í bensín sem fyrirtækið framleiðir, vegna mengunarhættu og vegna þess að það væri sjúkdómsvaldandi. Fyrirtækið fór í mál á grunni NAFTA-samningsins og krefur stjórnvöld Kaliforníu-fylkis um 500 milljónir dollara í skaðabætur, vegna “eignaupptöku”.
3.2.2005
Chirac Frakklandsforseti á móti þjónustutilskipun ESB
Andstæðingum þjónustutilskipunar ESB hefur bætst liðsauki úr óvæntri átt. Jacques Chirac Frakklandsforseti krafðist þess þann 2. febrúar að þjónustutilskipunin yrði tekin aftur á byrjunarreit. Talsmaður forsetans útskýrði ummæli forsetans frekar, á þann veg að þau þýddu “nei við öllum fjárhagslegum, félagslegum og reglugerðar- undirboðum.”
3.2.2005
Vinstri flokkarnir á Evrópuþingi vilja nýjar Lissabonáherslur
Hafa vinstriflokkarnir lagt fram skýrslu (1. febrúar) þar sem beðið er “um þróaðri skilning á samkeppni, sem viðurkennir með hvaða hætti hagkerfið, þjóðfélagið og umhverfið, eru hvert öðru háð.” Skýrslan, sem kallast “A Europe of excellence” var unnin af stefnumótunar-
sérfræðingum, og setur fram 33 nýjar hugmyndir um hvernig megi endurlífga Lissabon - áætlunina.
sérfræðingum, og setur fram 33 nýjar hugmyndir um hvernig megi endurlífga Lissabon - áætlunina.
13.1.2005
Samkeppni á raforkumarkaði ESB í ógöngum
Það sem er einkanlega áhugavert við þessa skýrslu framkvæmdastjórnar EBS er að hún tekur í raun undir og staðfestir helstu gagnrýnisraddir sem fram hafa komið fram á raforkutilskipanir EBS og hugsanlegar afleiðingar hennar. Gagnrýnendur hafa einmitt bent á þær hættur sem framkvæmdastjórnin er nú að kvarta undan að séu að plaga kerfið: Að fákeppni muni verða ríkjandi, að fjárfestingar í kerfinu og viðhaldi verði ábótavant (og þar með sé afhendingaröryggi raforku stefnt í hættu), upplýsingar til neytenda verði ógegnsæjar og að kerfið muni leiða til dýrari raforku, sér
Erlent
Á döfinni
8. júní 2012
24. ágúst 2012
21. september 2012
Leit
Stjórnborð
