Grasrótarhreyfing óánægðra íbúa á Suðurlandi stendur fyrir útifundi við Landsbankann á Selfossi í hádeginu í dag kl 12:30. Frummælendur eru Elín Björg Jónsdóttir formaður Félags opinberra starfsmanna á Suðurlandi og varaformaður BSRB, Bjarni Harðarson bóksali og Sigríður Jónsdóttir kennari og ljóðskáld. 

"Réttur almennings til að mótmæla er ótvíræður og sýnir stjórn BSRB þeim mótmælum sem fram hafa farið að undanförnu mikinn skilning. Brotið hefur verið á almenningi og reiði fólks er mikil," segir í ályktun sem stjórn BSRB hefur sent frá sér.

Tryggingastofnun ríkisins hefur ákveðið að við útreikning á tekjutengdum greiðslum til lífeyrisþega erlendis á árinu 2009 verði miðað við gengi íslensku krónunnar eins og það var í janúar 2008. Þetta kemur í framhaldi af því að BSRB barst bréf frá ellilífeyrisþega búsettum í Svíþjóð og var kveðja frá honum lesin upp á útifundinum á Ingólfstorgi 24. nóvember.

Atvinnuleysis-tryggingasjóður tæmist í október á næsta ári gangi spár Vinnumálastofnunar eftir. Þetta kom fram í erindi Gissurar Péturssonar forstjóra Vinnimálastofnunar á opnum fundi sem BSRB hélt í gær. Auk Gissurar flutti Gylfi Dalmann dósent við Háskóla Íslands erindi um íslenska vinnumarkaðinn.

Opinn fundur verður á vegum BSRB fimmtudaginn 11. desember kl. 16:30 - 18:00 í BSRB - húsinu Grettisgötu 89. Yfirskrift fundarins er „Vinnumarkaðurinn og atvinnuhorfur framundan." Framsögur hafa Gylfi Dalmann dósent við Háskóla Íslands og Gissur Pétursson forstjóri Vinnumálastofnunar.

Opinn fundur BSRB um framtíðarþróun efnahagsmála á Íslandi var afar fróðlegur. Gylfi Zoëga prófessor við Háskóla Íslands og Jón Þór Sturluson aðstoðarmaður viðskiptaráðherra ræddu aðdraganda kreppunnar og þá kosti sem væru í stöðunni til að vinna sig út úr henni en þar skiptir peningastefnan höfuðmáli.

Opinn fundur verður á vegum BSRB í dag kl. 16:00 - 17:30 í BSRB - húsinu Grettisgötu 89. Yfirskrift fundarins er Framtíðin - með eða án krónu. Framsögu hafa Gylfi Zoëga prófessor við Háskóla Íslands og Jón Þór Sturluson aðstoðarmaður viðskiptaráðherra.