Umdeilanlegt er hversu sanngjarn og réttur útreikningur á verðtryggingu lána vegna íbúðarhúsnæðis er nú um stundir. Eins og kunnugt er hækka verðtryggðar skuldir í takt við verðbólguna eins og hún mælist hverju sinni. En hvernig er verðbólgan mæld?

Vísitala neysluverðs byggir á þriggja ára gömlum neyslugrunni að meðaltali. Hún byggist sem sagt á neyslu sem átti sér stað árin 2006, 2005 og 2004 og frá vormánuðum á neyslu áranna 2007, 2006 og 2005. Þarna er um að ræða þau ár sem neyslugleði landsmanna náði hámarki. Ljóst er að neysla landsmanna er gjörbreytt frá því sem áður var og sem núverandi vísitölugrunnur er reistur á. Mæling verðbólgunnar sem veldur hækkun verðtryggingar og stóreykur skuldir heimilanna byggir því á neyslu sem á sér litla stoð í gjörbreyttu þjóðfélagi.

Þá eru uppi efasemdir um að mælt söluverð á íbúðarhúsnæði mæli raunverulega lækkun þess á markaði og hafi því ekki viðeigandi áhrif til lækkunar vísitölu, auk þess sem efasemdir eru uppi um stöðutöku bankanna gegn krónunni, sem leiddu til  lækkunar á  krónunni og hækkun á mældri verðbólgu, vegna hækkaðs innflutningsverðs. Um þetta og t.d. skoðanir stjórnmálamanna á verðtryggingunni  má lesa í grein Einars Árnasonar hagfræðings BSRB sem birtist í febrúarblaði SFR.

Sjá grein Einars Árnasonar