Bandalag starfsmanna ríkis og bæja er langstærstu samtök opinberra starfsmanna á Íslandi. Öll sambönd og félög opinberra starfsmanna geta orðið aðilar að BSRB. Auk þess eiga rétt til aðildar sambönd og félög starfsmanna fyrirtækja og stofnana sem starfa í almannaþágu og einstaklingar í opinberri þjónustu sem ekki eiga rétt til aðildar að neinu bandalagsfélagi.

Aðildarfélög BSRB eru 27 talsins og er fjöldi félagsmanna rúmlega 20.000. Um tveir þriðju félagsmanna eru konur.

BSRB var stofnað 14. febrúar 1942

Á skrifstofu BSRB starfa 10 starfsmenn sem annast ýmis störf fyrir samtökin og aðildarfélög þess. Meðal þess sem skrifstofan annast er hagfræðiþjónusta og lögfræðiþjónusta við félögin. Þá gefur bandalagið út BSRB-tíðindi og miðlar upplýsingum í formi upplýsingablaða til félaganna. Auk þess sér skrifstofan um alhliða upplýsingaþjónustu við félagsmenn í aðildarfélögum BSRB, svo sem upplýsingar um réttindi og kjör, samninga og ýmislegt fleira.

Skipurit BSRB á pdf-formi