BSRB hefur ásamt öðru samtökum opinberra starfsmanna og viðsemjenda þeirra gefið út bækling um skipulag vinnutímans. Í bæklingnum eru leiðbeiningar samráðsnefndar um vinnutíma, samningur   fjármálaráðherra f.h. ríkissjóðs, Reykjavíkurborgar og Launanefndar sveitarfélaga annars vegar og ASÍ, BHM, BSRB og KÍ hins vegar frá 23. janúar 1997 og að lokum tilskipun Evrópusambandsins frá 23. nóvember 1993.

Námskeið á vegum Tölvufræðslu BSRB verður haldið í Fjarðabyggð. Námskeiðið verður í Nesskóla í Neskaupstað og hefst 18. febrúar. Skráning í síma 477-1124

Vinnueftirlit ríkisins gengst fyrir málþingi um kulnun í starfi í Norræna húsinu 8. febrúar kl. 13-17.  Aðalfyrirlesari er Wilmar Schaufeli, prófessor í félags- og skipulagssálfræði við háskólann í Utrecht í Hollandi. Prófessor Shaufeli er heimsþekktur fyrir rannsóknir og skrif um þetta efni.

Starfslokanámskeið verður haldið í BSRB-húsinu dagana 25., 27. og 28. febrúar kl. 20 - 22.30. Námskeiðið er ætlað BSRB félögum á höfuðborgarsvæðinu sem eru að nálgast starfslok og mökum þeirra og er frítt. Skrásetning á námskeiðið er á skrifstofu BSRB, í síma 525 8300 og þarf að skrá sig fyrir 22. febrúar.

Sjúkraliðafélag Íslands skrifaði undir kjarasamning við SÁÁ að kvöldi 7. janúar, en verkfall átti að skella á á miðnætti. Deilan snérist um það hvort 13 sjúkraliðar sem starfa á Vogi fengju að vera í Lífeyrissjóði starfsmanna ríkisins og var gengið að þeirri kröfu sjúkraliða.

BSRB mótmælir harðlega hækkunum í heilbrigðisþjónustunni um áramótin og telur að nær væri að lækka gjöld á sjúklinga.