Starfslokanámskeið BSRB var haldið dagana 1., 2. og 4. desember og sóttu það um 70 manns. Þátttakendur höfðu bæði gagn og gaman af námskeiðinu og ljóst að full þörf er á þessari þjónustu. Námskeiðið var fyrir félagsmenn í BSRB og maka þeirra og þátttakendum að kostnaðarlausu. Ekki komust allir að þegar skráð var á námskeiðið og um 40 manns á biðlista. Annað námskeið verður því haldið eftir áramót og verður það auglýst síðar.

Aðalfundur BSRB föstudaginn 28. nóvember hefur sent frá sér tvær ályktanir. Annars vegar er um að ræða ályktun þar sem frumvarpi fjármálaráðherra um breytingar á lögum um réttindi og skyldur er mótmælt og hins vegar ályktun þar sem ríkisstjórnin er hvött til að standa við samkomulag sem gert var við Öryrkjabandalag Íslands um hækkun á grunnlífeyri og breytingar á kerfi örorkulífeyris.

Bandalag starfsmanna ríkis og bæja var stofnað á kennarastofu Austurbæjarskólans í Reykjavík 14. febrúar 1942.

 Nú er komið á vefinn ágrip af sögu BSRB sem Þorleifur Óskarsson sagnfræðingur hefur tekið saman. Þar er stiklað á helstu viðburðum í sögu bandalagsins auk þess sem fjallað er um uppbyggingu þess, starfsemi og baráttumál.
Slóðin inn á Sögu BSRB er http://www.bsrb.is//page.asp?id=689

BSRB, BHM og KÍ hafa sent frá sér sameiginleg meginsjónarmið um frumvarp ríkisstjórnarinnar á breytingum á lögum um réttindi og skyldur starfsmanna ríkisins sem fela það í sér að afnema áminningarskyldu stjórnvalda og andmælarétt starfsmanna komi til uppsagnar þeirra. Hér er um að ræða breytingar á grundvallarréttindum ríkisstarfsmanna hvað varðar starfsöryggi varðar. Þessi meginsjónarmið heildarsamtakanna hafa verið send öllum þingmönnum enda á frumvarpið að koma til fyrstu umræðu á þinginu í dag.

Sigríður Eyrún Friðriksdóttir leikkona sló í gegn þegar hún flutti einþáttunginn Fjóla á ströndinni á þingi BSRB í síðustu viku. Einþáttungurinn fjallar um einelti en á undanförnum misserum hafi orðið vakning í þjóðfélaginu um einelti og alvarlegar afleiðingar þess. Fórnarlömb eineltis í skóla og á vinnustað hafa sýnt aðdáunarvert hugrekki með því að stíga fram og segja frá reynslu sinni.

Hér er  í örstuttu máli lýst afstöðu BSRB til GATS-samningins og hvað sýn samtökin hafa á hann. BSRB hefur í samræmi við áyktanir síðasta þings samtakanna kynnt sér eftir föngum helstu þætti alþjóðavæðingarinnar og þær stofnanir og helstu samninga þeirra sem þar eiga hlut að máli. Sérstaklega hefur GATS-samningurinn verið tekinn til skoðunnar.
Erindi Páls H. Hannessonar flutt á kynningarfundi utanríkisráðuneytisins í aðdraganda Kankún-fundarins 21.ágúst 2003.

Styrktarsjóður BSRB er kominn með heimasíðu. Slóðin á heimasíðuna er: http://styrktarsjodur.bsrb.is Á síðunni er hægt að nálgast úthlutunarreglur sjóðsins og umsóknareyðublöð, auk ýmissa annarra upplýsinga um sjóðinn.

Starfsmannafélag Hafnarfjarðar hefur sent frá sér ályktun þar sem þess er krafist að þær breytingar og tilfærslur sem fyrirhugaðar eru vegna skipulagsbreytinga hjá Hafnarfjarðarbæ komi upp á borð þannig að hægt sé að koma þessum málum í viðundandi horf hið fyrsta. Það geti ekki talist til góðra stjórnunarhátta að halda fjölda starfsmanna í óvissu vikum saman.

Landsamband slökkviliðs- og sjúkraflutningamanna hefur opnað nýja heimasíðu og jafnframt breytt slóðinni á síðuna.Slóðin er http://www.lsos.is Á heimasíðunni er að finna fréttir úr starfi félagsins, upplýsingar um félagið, lög og reglugerðir, eldvarnarleik og margt fleira.

Héraðsdómur Reykjavíkur kvað upp dóm í máli sem Landssamband lögreglunnar höfðaði gegn lögreglustjóraembættinu vegna túlkunar á bókun í stofnanasamningi um hvort taka ætti tillit til annarra starfa en lögreglustarfa. Úrskurðurinn var Landssambandinu í hag og ber að taka mið af starfsaldri utan lögreglu þegar raða á lögreglumönnum í launaflokka. Dómurinn var kveðinn upp 11. júní sl.

Vika símenntunar verður haldin dagana 7.-13. september nk. Vikan sem er á vegum menntamálaráðuneytisins, er nú haldin í fjórða sinn hér á landi og sér Mennt um skipulagningu og framkvæmd hennar í  samvinnu við símenntunarmiðstöðvar um land allt. Þema Viku símenntunar að þessu sinni er "Fjarnám" og aðrar óhefðbundnar leiðir til náms. Áhersla verður einnig lögð á almenna hvatningu og kynningu á mikilvægi símenntunar fyrir almenning. BSRB er aðili að Viku símenntunar ásamt ASÍ, BHM, Samtökum atvinnulífsins, símenntunarmiðstöðvum og ráðuneytum félagsmála og menntamála. Mennt sér um skipulagningu vikunnar.

Ögmundur Jónasson, Anna Gunnlaugsdóttir, Pétur Gunnarsson, Sigrún Hjálmtýsdóttir og Jónas Ingimundarson við opnun sýningarinnar

Sýning á verkum Önnu Gunnlaugsdóttur myndlistarkonu var opnuð í þjónustumiðstöðinni í orlofsbyggðum BSRB í Munaðarnesi laugardaginn 7. júní. Í tengslum við opnunina var að venju efnt til Menningarhátíðar þar sem Sigrún Hjálmtýsdóttir sópransöngkona – Diddú – söng við undirleik Jónasar Ingimundarsonar píanóleikara og Pétur Gunnarsson rithöfundur ávarpaði gesti og las upp úr verkum sínum bæði í bundnu máli og óbundnu.. Húsfyllir var og hreif Diddú alla viðstadda með söng sínum og Jónas Ingimundarson fór á kostum í tali og tónum. Mjög góður rómur var einnig gerður af upplestri Péturs.  Þá ávarpaði Ögmundur Jónasson formaður BSRB gesti Menningarhátíðarinnar.

Jens Andrésson, Ögmundur Jónasson, Grétar Þorsteinsson, Gylfi Arnbjörnsson og Halldór Björnsson fyrir utan þingstaðinn. Halldór Grönvold tók myndina.

Á nýafstöðnu þingi Evrópusambands verkalýðsfélaga (ETUC – European Trade Union Confederation) sem haldið var í Prag í Tékklandi er þeim tilmælum beint til stjórnvalda í Evrópuríkjum að þau geri allt sem í þeirra valdi stendur til að sporna gegn vaxandi atvinnuleysi í álfunni.

Ákveðið hefur verið að efna til auka námskeiðs í forystufræðslu BSRB í byrjun september. Þá er komin stundaskrá fyrir lotu 2 í forystufræðslu BSRB í Munaðarnesi næsta haust. Fyrirkomulaginu hefur verið breytt þannig að nú er farið upp eftir að mánudagsmorgni og hefst námskeiðið sjálft kl. 13. eftir að þátttakendur hafa nærst.

Nú í sumar verður opnaður við hátíðlega athöfn íslenskur kvennagagnabanki, www.kvennaslóðir.is .  Í gagnabankann verða skráðir kvensérfræðingar á ýmsum sviðum með það að markmiði að gera þekkingu og hæfni kvenna sýnilega og aðgengilega.

Fyrir tæpu ári síðan tók stjórn BSRB ákvörðun um að ráðast í heildstæða úttekt á skattkerfinu. Stjórninni þótti ljóst að umræða um skattamál væri að mörgu leyti komin í öngstræti og þörf væri á nýrri nálgun af hálfu samtaka launafólks.

Fyrir ári síðan fól stjórn BSRB Gunnari Gunnarssyni hagfræðingi bandalagsins að vinna að heildstæðri úttekt á skattkerfinu og gera tillögur til úrbóta. Árangurinn af starfi Gunnars er nú að líta dagsins ljós. Hann hefur lagt fram mjög athyglisverðar hugmyndir um nýsköpun í skattamálum. Fyrir liggja af hans hálfu drög að fullmótaðri skattastefnu samtakanna sem kynnt verður með nákvæmum hætti á ráðstefnu á komandi hausti.

Árleg Menningarhátíð BSRB verður í Munaðarnesi laugardaginn 7. júní nk. Þar verður opnuð sýning á verkum Önnu Gunnlaugsdóttur. Diddú, Sigrún Hjálmtýsdóttir sópransöngkona syngur við undirleik Jónasar Ingimundarsonar og Pétur Gunnarsson rithöfundur mun lesa upp á hátíðinni. Þá flytur Ögmundur Jónasson formaður BSRB ávarp.

Fulltrúaþing Sjúkraliðafélags Íslands, sem haldið var 14. maí, mótmælir harðlega því tvöfalda siðferði kjaradóms sem birtist í úrskurði hans um laun æðstu embættismanna, ráðherra og þingmanna. Með dómi sínum ákveður kjaradómur með ótrúlegum hætti  kjaralegan aðskilnað almennings og embættismanna,  þings og þjóðar. Úrskurður kjaradóms er ávísun á kröfu verkalýðshreyfingarinnar um sömu kjarabætur fyrir umbjóðendur sína. Kröfur sem leiða munu til ófriðar, óstöðugleika og harðvítuga kjarabaráttu launþega í komandi kjarasamningum.

Félag opinberra starfsmanna á Suðurlandi, FOSS, hélt 30. aðalfund sinn að Hótel Selfossi þriðjudaginn 8. maí og var hann mjög fjölmennur. Þá var opnuð ný heimasíða foss.bsrb.is  en þar er ályktun aðalfundarins ásamt skýrslu stjórnar og fleira að finna.

Það er mikilvægt í komandi kjarasamningum að talsmenn stéttarfélaga séu vel undirbúnir þegar að þeir þurfa að koma fram í fjölmiðlum. Þess vegna býður Félagsmálaskóli alþýðu upp á námskeiðið Framkoma í fjölmiðlum 20 maí frá kl. 9.00 til 17.00. Námskeiðið er markviss þjálfun í framkomu og samtalstækni. Enn er hægt að skrá sig í síma 588 722 eða mimir@mimir.is

Ráðstefna fyrir unga SFR-félaga, á aldrinum 18-35 ára, verður haldinn þann 15. maí nk. kl. 14-18 í Iðnó þar sem fjallað verður um stöðu ungs fólks á vinnumarkaði. Skráning er á sfr@bsrb.is eða í síma 525-8340.

BSRB - vefurinn hefur verið útbúinn þannig að sjónskertir eiga nú mun auðveldara með að lesa vefinn en fram til þessa. Með því að smella á merki fyrir sjónskerta til vinstri á síðunni fer vefurinn í ham fyrir þá.

Laugardaginn 3. maí, frumsýnir Ergis kvikmyndaframleiðasla heimildarmyndina Ég er arabi eftir þá Sigurð Guðmundsson og Ara Alexander á kvikmyndahátíðinni “Reykjavík Shorts and Docs”. Myndin verður sýnd í Háskólabíói kl. 20:00 og er aðgangur ókeypis á frumsýninguna fyrir félaga í BSRB. Kvikmyndin er heimildarmynd um andstöðu Íslendinga við stríðsrekstur bandarískra og breskra stjórnvalda í Írak og yfirlýstan stuðning íslenskra stjórnvalda við þetta stríð.

Ávarp Ögmundar Jónassonar formanns BSRB í Ólafsfirði 1. maí.
Góðir félagar.
Til hamingju með daginn.
Ef til vill þarf börn til að sjá mjög skýrt muninn á réttu og röngu. Alla vega hefði það ekki vafist fyrir neinum í barnaafmælunum sem ég sótti forðum daga að sjá að ekki gengi í afmæli þar sem gestirnir væru tuttugu, að tveir þeirra borðuðu átján sneiðar af afmæliskökunni og skildu aðeins tvær eftir handa öllum hinum. Þá hefði án efa orðið mikið uppistand í afmælinu, foreldrar kallaðir til og sennilega hefðu hinir gráðugu óþekktarormar fengið tiltal.

Göngur og fundir verða um allt land fimmtudaginn 1. maí og eru BSRB-félagar hvattir til að taka þátt í atburðunum. Í Reykjavík verður safnast saman framan við Hallgrímskirkju kl. 13.30 og leggur gangan af stað kl. 14 og verður gengið nður á Ingólfstorg þar sem útifundur verður haldinn. Virðing og velferð er yfirskrift 1. mái ávarps fulltrúaráðs verkalýðsfélaganna í Reykjavík. Aðalræðumenn útifundarins eru Gunnar Páll Pálsson, formaður Verslunarmannafélags Reykjavíkur og Eiríkur Jónsson, formaður Kennarasambands Íslands. Þá flytur Nína Kristjánsdóttir, formaður Iðnnemasambands Íslands ávarp.  Dagskrá fundarins og ávarp fulltrúaráðsins birtist ef fréttin er skoðuð nánar.

BSRB og ASÍ ásamt Fríkirkjusöfnuðinum standa að friðarsamveru í Fríkirkjunni í Reykjavík föstudagskvöldin 11. og 18. apríl klukkan 20:30. Ögmundur Jónasson formaður BSRB og Grétar Þorsteinsson forseti ASÍ munu flytja ávörp og þjóðþekktir listamenn flytja efni tengt friði.

Félagsmálaskóli alþýðu stendur fyrir námskeiði um hópuppsagni starfsmanna og aðilaskipti að fyrirtækjum 28. apríl nk. að Grensásvegi 16a í Reykjavík

Á undanförnum árum hefur komið skýrt í ljós að íslenska þjóðin vill að samfélagsþjónustan sé á forræði ríkis og sveitarfélaga. Þannig verði best tryggt að hér þrífist það velferðarþjóðfélag sem byggir öllum þegnum sínum réttlátt samfélag, segir í upphafi ályktunar aðalfundar SFR sem haldinn var 29. mars.

List gegn stríði er yfirskrift baráttufundar sem haldinn verður í Austurbæ við Snorrabraut fimmtudaginn 27. mars kl. 20.00. Það er Átak gegn stríði með stuðningi heildarsamtaka launafólks sem standa að baráttufundinum. Ögmundur Jónasson formaður BSRB og Grétar Þorsteinsson forseti ASÍ flytja ávörp á fundinum auk þess sem fjöldi listamanna kemur fram á honum.

"

Alþýðusamband Íslands, BSRB, BHM, Kennarasamband Íslands, Farmanna- og fiskimannasamband Íslands, Samband íslenskra bankamanna, Félag bókagerðarmanna og Átak gegn stríði hvetja ríkisstjórn Íslands til að beita þeim áhrifum sem Ísland hefur á alþjóðavettvangi til að koma í veg fyrir stríðsátök," segir í áskorun sem þessi samtök hafa sent frá sér sameiginlega. Jafnframt er í áskoruninni íslenskt launafólk hvatt til umræðna á vinnustöðum í hádeginu föstudaginn 14. mars um það hættuástand sem skapast hefur vegna stríðsáforma Bandaríkjamanna.

ETUC, Evrópusamband verkalýðsfélaga hefur hvatt félög sín um alla Evrópu til aðgerða 14. mars til að leggja áherslu á andstöðu verkalýðsfélaga gegn stríði og að leitað verði allra friðsamlegra leiða við afvopnun Íraks. Engar ákvarðanir hafa verið teknar hér á landi en formenn stærstu heildarsamtakanna hafa komið saman til fundar til að ræða viðbrögð við stríðsógninni.

Miðvikudaginn 12.mars kl. 13:30 verður haldinn fræðslu- og umræðufundur í Safnaðarheimili Dómkirkjunnar, Lækjargötu 14a, (á horni Lækjargötu og Vonarstrætis) um atvinnumissi – áhrif hans á líðan fólks og hvernig skynsamlegt er að bregðast við.

Opinn fundur laugardaginn 8. mars 2003 klukkan 14 í sal Miðbæjarskólans, Fríkirkjuvegi 1, 101 Reykjavík.

Fræðslunefnd BSRB hefur skipulagt forystufræðslu fyrir stjórnarmenn og starfsmenn aðildarfélaga BSRB. Námskeiðin hefjast í mars nk. Námskeiðin eru þannig uppbyggð að þrjár tveggja daga staðbundnar lotur verða í Munaðarnesi. Fyrsta lotan hefst nú í vor, lota tvö næsta haust og lota þrjú vorið 2004. Á milli staðbundnu lotanna verður fjarnám í gangi og stendur hver fjarnámslota í þrjá mánuði.

Félagsmálaskóli alþýðu efnir til námskeiðs í Verkefnastjórnun í kjarasamningum dagana 17. og 18. mars nk og er námskeiðið sniðið að störfum lykilfólks við gerð kjarasamninga.

Helgardvöl í Munaðarnesi er góð leið til að hlaða batteríin nú þegar dag er tekið að lengja. Fréttir hafa borist af því að fyrstu farfuglarnir séu komnir til landsins og því við hæfi að leggja land undir fót og skella sér í Munaðarnes og njóta náttúrunnar í kyrrðinni. Tilvalið era ð fá sér göngutúr í nánasta umhverfi orlofshúsanna. Göngukort er hægt að fá í þjónustumiðstöðinni. Skrifstofa BSRB sér um útleigu á orlofshúsunum yfir vetrarmánuðina. Helgarleigan yfir vetrarmánuðina er 6.500 kr. fyrir stór hús og 5.000 kr. fyrir lítil hús. Hægt er að panta húsin í síma 525 8300.

Friðar- og mannréttindahópur BSRB vekur athygli á útifundi á Ingólfstorgi í Reykjavík til að mótmæla stríðsáætlunum Bandaríkjanna, Bretlands og fleiri ríkja gegn Írak, laugardaginn 15. febrúar kl. 14.00. Þennan dag hafa verið undirbúnar aðgerðir í nær öllum höfuðborgum Evrópu og ótal öðrum borgum og bæjum sem og í Bandaríkjunum og víða um heim.

Félagsmálaskóli alþýðu býður upp á fjölbreytt námskeið nú í vor. Meðal námskeiða má nefna verkefnastjórnun í kjarasamningum, framkomu í fjölmiðlun, samskipti við félagsmenn í vanda, hópuppsagnir og aðilaskipti að fyrirtækjum, samningatækni og notkun hagfræðsihugtaka í kjarasamningum.

"BSRB lýsir yfir áhyggjum vegna þeirrar þróunar sem átt hefur sér stað undanfarna mánuði á vinnumarkaði. Atvinnuleysi hefur aukist mjög mikið og eru nú skv. nýjustu tölum frá Vinnumálastofnun rúmlega 6000 manns án atvinnu," segir m.a. í ályktun frá BSRB um atvinnuástandið.

„Norræni raforkumarkaðurinn er nú kominn að tímamótum þar sem neikvæðra áhrifa markaðsvæðingar er farið að gæta. Verð sl. fjóra mánuði hefur hækkað um 400% hjá Nord Pool sem er miðlunarfyrirtæki norrænna rafmagnsveitna. Að auki hefur sænska stjórnin hækkað skatta á rafmagn á sama tíma. Rafmagnskostnaður er því farinn að hvíla þungt á sænskum heimilum og útflutningsiðnaði.“  Þetta segir í  minnisblaði Bertils Dahlstens frá sænska verkalýðsfélaginu SEKO (Samtökum launafólks í þjónustu og samgöngum) til EPSU (Evrópusamtaka launafólks í almannaþjónustu). Og hann spyr hvernig standi á þessu?

Skráning er hafin á námskeið Tölvufræðslu BSRB er hafin. Námskeiðin eru á vegum Nýja Tölvu- og viðskiptaskólans í Hafnarfirði, Kópavogi og á Selfossi. Yfirlit yfir námskeið á vorönn er hægt að nálgast á heimsíðu NTV .

Fundur trúnaðarmannaráðs SFR krefst þess að lögum nr. 96/2000 um jafna stöðu og jafnan rétt karla og kvenna verði framfylgt og vísar þar sérstaklega til greina nr. 13 og 14 í lögunum, segir í ályktun frá fundi trúnaðarmannaráðs SFR sem haldinn var 17. janúar.