Fréttir
Troðfullt á baráttufundi um málefni LSH í Austurbæ
28.1.2004
Fjölmenni var á opnum fundi um málefni Landspítala háskólasjúkrahúss sem Geðhjálp, Landssamband eldri borgara, Landssamtök hjartasjúkra, Umhyggja, Öryrkjabandalag Íslands, ASÍ, BHM,
Almannahagur í húfi - Krefjumst endurskoðunar á fjárveitingum til LSH
26.1.2004
Almannahagur í húfi - Krefjumst endurskoðunar á fjárveitingum til LSH, er yfirskrift opins fundar um málefni Landspítalans Háskólasjúkrahúss sem haldinn verður í Austurbæ þriðjudaginn 27. janúar kl. 17.00. Aðstandendur fundarins eru Geðhjálp, Landssamband eldri borgara, Landssamtök hjartasjúkra, Umhyggja, Öryrkjabandalag Íslands, ASÍ, BHM,
Samtök opinberra starfsmanna með sameiginlega umsögn um breytingar á lögum um réttindi og skyldur starfsmanna ríkisins
20.1.2004
Heildarsamtök opinberra starfsmanna, BHM, BSRB og KÍ sendu frá sér í gær, 19. janúar, sameiginlega umsögn til Alþingis um frumvarp til laga um breytingar á lögum um réttindi og skyldur starfsmanna ríkisins. Í umsögninni er lagst alfarið gegn því að frumvarpið verði að lögum. Frumvarpið felur í sér breytingar á grundvallarréttindum ríkisstarfsmanna hvað varðar starfsöryggi þar sem ekki þarf lengur að áminna ríkisstarfsmenn áður en að uppsögn kemur nái þetta frumvarp í gegn. Þá felur þetta frumvarp í sér að lágmarksréttindi samkvæmt stjórnsýslulögum eru tekin af ríkisstarfsmönnum, m.ö.o. þeir njóta ekki andmælaréttar, reglunnar um jafnræði, meðalhófsreglunnar o.fl.
Starfsmenn sveitarfélaga fái mótframlag frá atvinnurekendum vegna séreignalífeyrissparnaðar
16.1.2004
"Stjórn BSRB krefst þess að starfsmenn sveitarfélaga innan BSRB verði látnir njóta sömu kjara og aðrir landsmenn varðandi framlag atvinnurekenda í séreignasjóð lífeyrisréttinda," segir í ályktun sem stjórn BSRB samþykkti á fundi 16. janúar 2004.
Niðurskurður á LSH er sóun á fjármunum
16.1.2004
"Stjórn BSRB mótmælir harðlega þeirri stefnu ríkisstjórnarinnar að þröngva LSH til niðurskurðar á þeirri þjónustu sem spítalinn veitir landsmönnum," segir m.a. í ályktun sem samþykkt var á stjórnarfundi 16. janúar.
Áskorun samtaka launafólks vegna LSH verður rædd í ríkisstjórn
16.1.2004
Fulltrúar BSRB, ASÍ, BHM, Læknafélags Íslands og starfsmannaráðs Landspítala háskólasjúkrahúss fóru á fund Jóns Kristjánssonar heilbrigðisráðherra í dag 16. janúar og afhentu honum ályktun sem samþykkt var á sameiginlegum fundi trúnaðarmanna á LSH og starfsmannaráðs spítalans 15. janúar. Á fundinum lýsti Jón því yfir að hann myndi kynna ályktunina í ríkisstjórn. Fulltrúar ofangreindra samtaka fögnuðu því að áskorun þeirra um að fallið yrði frá niðurskurðaráformum yrði tekin til umfjöllunar í ríkisstjórn.
Fjölmennur fundur trúnaðarmanna á LHS
15.1.2004
Fjölmenni var á sameiginlegum fundi starfsmannaráðs og trúnaðarmanna allra stéttarfélaga sem eiga félagsmenn á Landspítalanum háskólasjúkrahúsi vegna fjöldauppsagna á spítalanum. Á fundinum var samþykkt ályktun þar sem segir m.a.: "Sameiginlegur fundur trúnaðarmanna félaga innan ASÍ, BHM, BSRB og Læknafélags Íslands, haldinn fimmtudaginn 15. janúar á Landspítala háskólasjúkrahúsi mótmælir harðlega niðurskurði á þjónustu og uppsögnum innan heilbrigðisþjónustunnar og varar við afleiðingum þeirra til skemmri og lengri tíma..."
Starfslokanámskeið á Akureyri
14.1.2004
Starfslokanámskeið verður haldið Fiðlaranum Skipagötu 14 3. hæð. Námskeiðið er opið öllum félagsmönnum BSRB og mökum þeirra og er þeim að kostnaðarlausu. Þátttöku þarf að tilkynna á skrifstofu STAK sími 461 1599 eða stak@stak.bsrb.is fyrir 23. janúar.
Starfslokanámskeið endurtekið
9.1.2004
Starfslokanámskeið verður haldið í BSRB-húsinu, Grettisgötu 89 dagana 9. - 11. febrúar. Námskeiðið er opið öllum félagsmönnum BSRB og mökum þeirra og er þeim að kostnaðarlausu. Í desember sl. hélt BSRB starfslokanámskeið fyrir félagsmenn á höfuðborgarsvæðinu og komust færri að en vildu. Þegar rúmlega 70 manns höfðu skráð sig á námskeiðið var ákveðið að stoppa skráningu en taka niður fólk á biðlista. Um 40 manns skráðu sig á biðlista og hefur því verið ákveðið að endurtaka námskeiðið nú í febrúar. Þátttöku þarf að tilkynna á skrifstofu BSRB í síma 525 8300 fyrir 6. febrúar.
Sumar í Munaðarnesi
7.1.2004
Yfir sumartímann annast aðildarfélög BSRB leigu á orlofshúsunum í Munaðarnesi, Stóru skógum og á Eiðum. Oft verða forföll með stuttum fyrirvara og er hægt að skrá sig á biðlista á skrifstofu BSRB. Síminn á skrifstofu BSRB er 5258300. Netfang bsrb@bsrb.is Nú eru komnir heitir pottar við öll hús í Munaðarnesi og í Stóru Skógum. Nánari upplýsingar á orlofshúsavefnum. Vikuleigan í Munaðarnesi og Stóru Skógum er 18.000 fyrir stór hús og 13.000 kr. fyrir smærri húsin í Munaðarnesi. Vikuleiga fyrir hús á Eiðum er 15.000 kr.
Langtímahagsmunir sjúklinga verði hafðir að leiðarljósi við lausn deilunnar
6.1.2004
"Stjórn BSRB telur mjög mikilvægt að deila sérfræðilækna og Tryggingastofnunar ríkisins verði leyst hið fyrsta og hvetur deiluaðila til að ganga að samningaborðinu tafarlaust og að langtímahagsmunir sjúklinga verði hafðir að leiðarljósi við lausn deilunnar. Nauðsynlegt er að því óvissuástandi sem sjúklingar búa við í dag linni," segir m.a. í ályktun frá stjórn BSRB sem samþykkt var í dag 7. janúar 2004.
Hagrannsóknarstofnun samtaka launafólks í almannaþjónustu
5.1.2004
Fyrir áramót tókst samkomulag á milli BSRB, BHM, KÍ og SÍB um stofnun Hagrannsóknarstofnunar samtaka launafólks í almannaþjónustu, HASLA. HASLA er ætlað að stuðla að því að hagrannsóknir og aðrar rannsóknir í þágu og frá sjónarhóli launafólks í almannaþjónustu séu stundaðar reglulega með stuðningi ríkisins þannig að betra jafnvægi náist í upplýsingastreymi og þjóðfélagsumræðu.
Um BSRB
Á döfinni
10. febrúar 2012
23. mars 2012
18. maí 2012
Leit
Stjórnborð
