Á fundi með varaforseta kínverska þingsins og öðrum kínverskum ráðamönum sem dvalist hafa á Íslandi undanfarna daga í boði Alþingis, gerði Ögmundur Jónasson, formaður BSRB, mannréttindabrot í Kína að umræðuefni. Hann vísaði til skýrslu mannréttindasamtakanna Amnesty International þar sem m.a. er fjallað ofsóknir á hendur fólki sem hefur beitt sér í verkalýðsbaráttu. Afhenti hann kínversku sendinefndinni skýrsluna og óskaði eftir skýringum. Um þetta fjallar Ögmundur Jónasson nánar á vefsíðu sinni, sjá hér.

BSRB og Sjúkraliðafélag Íslands mótmæla harðlega þeirri yfirlýsingu forstjóra Heilsugæslunnar í Reykjavík í fjölmiðlum að ekki hafi átt sér stað „vinnudeila í venjulegum skilningi“ þegar starfsfólk heimahjúkrunar lagði niður vinnu í mars síðastliðnum, vegna uppsagnar stjórnenda á umsömdum ráðningarkjörum starfsmanna. BSRB kom að þessari kjaradeilu með SLFÍ og FÍH á grundvelli samkomulags frá 8. október 1990, undirrritað af fjármálaráðuneytinu annars vegar og BSRB hins vegar. Því var óvéfengjanlega um að ræða deilu um kjör sem byggði á samningi og með fulltingi stéttarfélaga og heildarsamtaka....