BSRB mun líkt og undanfarin ár standa fyrir grunnnámskeiði fyrir trúnaðarmenn í Munaðarnesi nú á haustdögum. Námskeiðið verður haldið dagana 1. og 2. nóvember.

Vika símenntunar verður haldin dagana 12.-18. september en hún er nú haldin í fimmta sinn hér á landi. Um er að ræða kynningarátak þar sem athyglinni er að þessu sinni beint að ungu fólki undir slagorðinu EKKI BARA HUGSA UM ÞAÐ! Vika símenntunar er á vegum menntamálaráðuneytisins en Mennt - samstarfsvettvangur atvinnulífs og skóla sér um skipulagningu og framkvæmd hennar í samvinnu við símenntunarmiðstöðvarnar níu á landsbyggðinni.

Sjöfn Ingólfsdóttir varaformaður BSRB, Þorsteinn Gunnarsson rektor Háskólans á Akureyri og Grétar Þorsteinsson forseti ASÍ undirrita samning um félagsmálaskóla á háskólastigi.
Sjöfn Ingólfsdóttir varaformaður BSRB, Þorsteinn Gunnarsson rektor Háskólans á Akureyri og Grétar Þorsteinsson forseti ASÍ undirrituðu samning um fjögurra anna félagsmálaskóla á háskólastigi föstudaginn 27. ágúst.

Jens Andrésson formaður SFR var kjörinn formaður NSO, Samtök norrænna ríkisstarfsmanna, til næsta árs á ráðstefnu samtakanna sem var haldin í Ouluborg í Finnlandi 11. – 14. ágúst sl.

Nokkur aðildarfélög BSRB hafa tekið upp þá nýbreytni að vera með félagsblöð sín og fréttabréf á vefnum. Á heimasíðum þessara félaga er hægt að nálgast ritin á pdf-formi en til að hægt sé að skoða blöðin þarf að hafa acrobat reader í tölvunni.

Félagsdómur féllst á allar dómkröfur SFR í máli sem félagið höfðaði gegn ríkinu og Efíngu. Kröfur SFR í málinu voru þær að viðurkennt yrði að SFR færi með samningsaðild fyrir starfsfólk við gerð kjarasamninga vegna starfa þeirra hjá LSH.  Þá var þess einnig krafist að núgildandi kjarasamningur SFR og ríkisins gilti um laun og önnur kjör þeirra frá og með 1. janúar 2004, eða frá þeim tíma að þágildandi kjarasamningur Eflingar rynni út. Félagsdómur birti úrskurð sinn 12. júlí sl.