Fréttir

Frumvarp gegn GATS á Alþingi

25.2.2005

Ögmundur Jónasson þingmaður og formaður BSRB mælti í vikunni, fyrir hönd þingflokks VG, fyrir frumvarpi um GATS-samninginn. Var málið fyrst borið upp á 130. þingi eða þann 06.10.2004 en fékkst þá ekki rætt og er borið upp óbreytt nú. Er þetta þingmál mjög áhugavert fyrir félaga BSRB sem og reyndar aðra, enda hefur BSRB beitt sér fyrir að GATS-samningurinn verði kynntur almenningi og að hann fáist ræddur opinberlega enda hefur stjórn samtakanna álitið að áhrif samningsins séu afdrifarík fyrir framtíð þjóðfélagsins og markaðsvæðingu þess. (Sjá margvíslegt efni um GATS á síðu BSRB: http://bsrb.is/page.asp?id=683 )

sjá nánar »

Trúnaðarmannaráð SFR mótmælir seinagangi

25.2.2005

Trúnaðarmannaráð SFR lýsir óánægju sinni með að ekki er enn búið að ganga frá nýjum kjarasamningi við félagið en tæpir þrír mánuðir eru frá því að kjarasamningar félagsins runnu út við fjármálaráðherra fyrir hönd ríkissjóðs. Ráðið lýsir fullum stuðningi við störf samninganefndar félagsins í þeim viðræðum sem fram hafa farið og telur að ekki sé eftir neinu að bíða að ljúka samningsgerðinni, segir m.a. í ályktun frá trúnaðarmannaráði SFR sem samþykkt var á fjölmennum fundi í gær, 24.

sjá nánar »

SFR semur fyrir starfsmenn Leifsstöðvar

25.2.2005

Í gær var undirritaður kjarasamningur milli SFR – stéttarfélags í almannaþjónustu, og Flugstöðvar Leifs Eiríkssonar hf. og Fríhafnarinnar ehf. Fyrirvari er á samþykkt
félagsmanna SFR og stjórna FLE og Fh.

sjá nánar »

Ný heimasíða Starfsmannafélags Reykjavíkurborgar

25.2.2005

Starfsmannafélag Reykjavíkurborgar hefur opnað nýja heimasíðu. Slóðin á heimasíðuna er www.strv.is

sjá nánar »

Nýtt samkomulag um rekstur og hlutverk Ráðgjafarstofu heimilanna

22.2.2005

Fulltrúar BHM, BSRB og ASÍ við undirritun samkomulagsins

Nýtt samkomulag um rekstur og hlutverk Ráðgjafarstofu um fjármál heimilanna var undirritað 17. febrúar sl. 14 aðilar koma að þessu samkomulagi. Árni Magnússon félagsmálaráðherra undirritaði samninginn ásamt fulltrúum allra þeirra aðila sem koma að þessu samkomulagi sem er til þriggja ára eða til ársloka 2007. BSRB kemur að þessu samkomulagi og undirritaði Vernharð Guðnason samkomulagið fyrir hönd BSRB.

sjá nánar »

Trúnaðarmannanámskeið í Munaðarnesi

17.2.2005

Fræðslunefnd BSRB hefur ákveðið að halda grunnnámskeið fyrir trúnaðarmenn í Munaðarnesi dagana 19. og 20. apríl verði næg þátttaka. Þeir sem hafa áhuga á þátttöku eru beðnir að hafa samband við skrifstofu BSRB, Grettisgötu 89, í síma 525 8300 fyrir 15. apríl.

sjá nánar »

Foreldrar langveikra barna fá greiðslur í allt að þrjá mánuði

17.2.2005

Ríkisstjórnin hefur ákveðið að foreldrar langveikra barna fái greiðslur í allt að þrjá mánuði vegna tekjutaps. Sama á við um foreldra barna sem greinast með alvarlega fötlun. Greiðslan nemur 90.000 kr. á mánuði og koma greiðslurnar til framkvæmda í áföngum á þremur árum. Þannig verður greitt fyrir einn mánuð í ár, tvo mánuði næsta ár og þrjá mánuði á þriðja ári. Það var nefnd á vegum félagsmálaráðuneytisins sem mótaði tillögurnar og var fulltrúi BSRB í nefndinni Jens Andrésson formaður SFR, en aukin réttindi langveikra barna hefur verið baráttumál BSRB um langt skeið. Nefndin skrifaði undir lokaskýrslu um málið í dag, en félagsmálaráðherra kynnti ákvörðunina á þingi í gær.

sjá nánar »

Vaktavinnufyrirkomulag endurskoðað

16.2.2005

Fulltrúar BSRB, BHM og ríkisins hafa undirritað yfirlýsingu um að skipaður verði vinnuhópur til að fara í gagngera endurskoðun á málefnum vaktavinnustarfsmanna með það að markmiði að bæta vinnufyrirkomulag þeirra og gera vaktavinnuna eftirsóknarverðari. Hópurinn verður skipaður fjórum fulltrúum BSRB og BHM og fjórum fulltrúum fjármálaráðherra og á hann að skila af sér innan 18 mánaða. Undir yfirlýsinguna skrifuðu Ögmundur Jónasson formaður BSRB, Halldóra Friðjónsdóttir formaður BHM og Gunnar Björnsson formaður launanefndar ríkissins.

sjá nánar »

Skráning á tungumálanámskeið í apríl hafin

15.2.2005

Frá enskunámskeiði hjá Framvegis sem hófst í febrúar.

Skráning er hafin á tungumálanámskeið BSRB sem hefjast í apríl hjá Framvegis. Í boði eru námskeið í ensku, dönsku og spænsku. Námskeiðin hefjast öll 4. apríl og eru tvisvar í viku, mánudaga og miðvikudaga frá kl. 17 - 19.30. Skráning í síma 5814914. Einnig eru í gangi skráningar á námskeið hjá símenntunarmiðstöðvum á landsbyggðinni.

sjá nánar »

Styrkir vegna starfsmenntunar

10.2.2005

Starfsmenntaráð auglýsir eftir umsóknum um styrki vegna starfsmenntunar í atvinnulífinu, sbr. lög nr. 19/1992 um starfsmenntun í atvinnulífinu. Til úthlutunar eru 55 milljónir. Umsóknir til verkefna í eftirfarandi tveimur flokkum njóta forgangs umfram önnur: Tækifæri miðaldra og eldra fólks til starfsmenntunar og Yfirfærsla þekkingar og reynslu innan fyrirtækja og stofnana. Umsóknarfrestur er til 18. mars 2005. Markmiðin sem Starfsmenntaráð gengur út frá við val á verkefnum eru að: verkefnin nái til sem flestra, þau mæti sýnilegri þörf á endurmenntun og séu unnin í samvinnu ólíkra aðila. Rétt til að sækja um styrk eiga: Samtök atvinnurekenda og launafólks, einstök fyrirtæki, einkaaðilar eða opinberir aðilar sem standa fyrir starfsmenntun í atvinnulífinu, starfsmenntaráð einstakra atvinnugreina og samstarfsverkefni á vegum tveggja eða fleiri framangreindra aðila. Umsóknir frá skólum koma aðeins til greina þegar um er að ræða samstarf við framangreinda aðila, einn eða fleiri.

sjá nánar »

Pukrast með GATS

7.2.2005

Ögmundur Jónasson skrifar ítarlega grein um GATS málin á heimasíðu sína ogmundur.is Greinina kallar hann ENN PUKRAST EVRÓPUSAMBANDIÐ - HVAÐ UM ÍSLAND? Í greininni segir hann m.a.: Hér á landi hefur BSRB staðið framarlega í viðleitni að halda stjórnvöldum við efnið og upplýsa um kröfur Íslands. Hefur það gengið misjafnlega en þó batnað frá því sem í upphafi var og hefur utanríkisráðuneytið boðað til samræðufunda um þessi mál með fulltrúum samtaka launafólks og annarra og er það að sjálfsögðu jákvætt þótt út af borðinu standi enn krafa BSRB um að þessar viðræður fari að öllu leyti fram fyrir opnum tjöldum. Enn mun BSRB láta reyna á vilja íslensku ríkisstjórnarinnar um að opna umræðuna, en fram til þessa hefur ríkisstjórnin skýlt sér á bak við vinnureglur Alþjóðaviðskiptastofnunarinnar.

sjá nánar »

Helstu breytingar á lögum um fæðingar- og foreldraorlof

3.2.2005

Þann 1. janúar 2005 tóku gildi breytingar á lögum um fæðingar- og foreldraorlof. Erna Guðmundsdóttir lögfræðingur BSRB hefur tekið saman helstu breytingar á lögunum.Helstu breytingarnar eru eftirfarandi:
I. Fæðingarorlofið má ekki vera skemur en tvær vikur í senn (var ein vika fyrir breytingu).
II. Mánaðarleg greiðsla Fæðingarorlofssjóðs til starfsmanns í fæðingarorlofi er 80% af meðaltali heildarlauna og skal miða við tvö tekjuár á undan fæðingarári barns eða þess árs er barn kemur inn á heimili við ættleiðingu eða varanlegt fóstur.

sjá nánar »

Námsframboð Félagsmálaskólans vorið 2005

2.2.2005

Nú er vorönn Félagsmálaskóla alþýðu að hefjast. Fyrirhuguð eru átta námskeið sem eru með ólíkar áherslur. Hæfni stéttarfélaga til að taka á og laga sig að síbreytilegu umhverfi byggir á þekkingu þeirra. Því er mikilvægt að fræðsla og þjálfun sé hluti af starfi talsmanna til að viðhalda aðlögunarhæfileika þeirra hagsmunagæslu og baráttu fyrir bættum kjörum.

sjá nánar »

Skráningu á fyrstu námskeið lýkur 7. febrúar

1.2.2005

Þá fer hver að verða síðastur til að skrá sig á tungumálanámskeið BSRB á höfuðborgarsvæðinu. Síðasti skráningardagur er 7. febrúar. Boðið er upp á námskeið í ensku, dönsku og spænsku. Það er Framvegis símenntunarmiðstöð sem hefur umsjón með námskeiðunum. Við hvetjum fólk til að skrá sig sem fyrst.