Fréttir
BSRB leggur til að kveðið verði á um samfélagslegt eignarhald á vatni í stjórnarskrá Íslands
30.4.2005
Stjórn BSRB, samþykkti á fundi 28. apríl tillögu til stjórnarskrárnefndar þess efnis að aðgangur að drykkjarvatni teljist mannréttindi og að eignarhald á vatni skuli jafnan vera samfélagslegt og skuli það bundið í stjórnarskrá lýðveldisins. Stjórn BSRB hefur sent stjórnarskrárnefndinni tillögu að breytingu á stjórnarskrá Íslands þar sem kveðið er á um þetta.
Einn réttur - ekkert svindl
29.4.2005
BSRB hvetur félagsmenn sína til að fjölmenna í 1. maí göngur og á fundi um allt land. Í Reykjavík verður safnast saman á Skólavörðuholti framan við Hallgrímskirkju kl. 13.00. Gangan leggur af stað kl. 13.30. Lúðrasveit verkalýðsins og Lúðrasveitin Svanur fara fyrir göngunni. Gengið niður Njarðargötu, Sóleyjargötu, Fríkirkjuveg, vestur Vonarstræti, norður Suðurgötu og Aðalstræti inn á Ingólfstorg. Útifundur á Ingólfstorgi hefst kl. 14.10 og er Ögmundur Jónasson formaður BSRB meðal þeirra sem ávarpa fundinn. Fundartími áætlaður 45 mín. Að loknum útifundi býður Ályktun um fjárveitingu til Mannréttindaskrifstofu Íslands
28.4.2005
"Stjórn BSRB hvetur stjórnvöld til að endurskoða afstöðu sína um fjárstuðning við Mannréttindaskrifstofu Íslands og tryggja henni traustan starfsgrundvöll. Mannréttindaskrifstofan gegnir lykilhlutverki í þjóðfélaginu," segir m.a. í ályktun sem stjórn BSRB samþykkti á stjórnarfundi í dag.
Ný stjórn Starfsmannafélags Ríkisútvarpsins
28.4.2005
Ný stjórn var kjörin á aðalfundi Starfsmannafélags Ríkisútvarpsins 26. apríl sl. Formaður var kjörinn Gunnar Magnússon.
Starfsmenn Flugstöðvarinnar samþykkja kjarasamning
28.4.2005
Nýr kjarasamningur starfsmanna hjá Flugstöð Leifs Eiríkssonar, sem greidd hafa verið atkvæði um síðustu daga, hefur verið samþykktur af félagsmönnum SFR, en starfsmenn felldu kjarasamning í mars sl.
Nýr formaður í Starfsmannafélagi Mosfellsbæjar
28.4.2005
Sveingerður Hjartardóttir var kjörinn nýr formaður Starfsmannafélags Mosfellsbæjar á aðalfundi félagsins.
Síðasta tækifæri til að innleiða breytingu á vinnutímatilskipuninni
22.4.2005
Eftirlitsstofnun EFTA sendi í gær frá sér álit (reasoned opinion) þar sem segir að Ísland hafi ekki innleitt að fullu tilskipun 2000/34/EB sem er breyting á vinnutímatilskipuninni nr. 93/104/EB. Samkvæmt eldri tilskipuninni þá voru ýmis svið undanskilin frá tilskipuninni. Má þar nefna samgöngur, flug, sjó og lestarsamgöngur og unglækna. Með tilskipun 2000/34/EB varð breyting eins og áður segir á eldri tilskipuninni og átti sú breyting að ná yfir framangreind svið. EFTA-ríkin áttu að innleiða tilskipunina fyrir 1. ágúst 2004 en Ísland hefur ekki gert það hvað varðar unglæknana. Markmiðið með þessu áliti Eftirlitsstofnunarinnar er að gefa Íslandi síðasta tækifæri til að leiðrétta þetta áður en ákvörðun er tekin um að fara með málið fyrir EFTA-dómstólinn.
Félag starfsmanna stjórnarráðsins með heimasíðu
22.4.2005
Félag starfsmanna stjórnarráðsins hefur tekið í notkun heimasíðu. Slóðin á síðuna er: www.fss.bsrb.is
Varað við breytingum á lífeyriskerfinu
22.4.2005
"Nánast án nokkurrar umræðu í verkalýðshreyfingunni virðast örfáir einstaklingar ætla að knýja í gegn grundvallarbreytingar á lífeyriskerfinu. Til stendur að tengja verðmæti iðgjalda aldri greiðandans þannig að iðgjöld sem greidd eru á unga aldri eru verðmætari en iðgjöld sem við greiðum þegar aldurinn færist yfir. Rökin eru þau að sjóðurinn hafi peningana lengur til ávöxtunar. En hvað þýðir þetta t.d. fyrir konur sem eru fjarri vinnumarkaði á fyrstu árum starfsævinnar vegna barneigna og hvað með langskólagengið fólk sem kemur seint inn á vinnumarkað?" segir Ögmundur Jónasson í grein á heimasíðu sinni.
Starfsmenn stjórnarráðsins og Austfirðingar samþykkja samning við ríkið
19.4.2005
Félag starfsmanna stjórnarráðsins og Félag opinberra starfsmanna á Austurlandi hafa samþykkt kjarasamninga við ríkið.
Nýr samningur við starfsmenn Flugstöðvarinnar og Fríhafnarinnar
15.4.2005
Í gær náðist að nýju samkomulag um kjarasamning á milli SFR annars vegar og Flugstöðvar Leifs Eiríkssonar hf. og Fríhafnarinnar ehf. hins vegar en fyrra samkomulag var fellt í atkæðagreiðslu starfsmanna í mars sl.
Alvarlegar athugasemdir við vinnubrögð við breytingar á lífeyriskerfinu
15.4.2005
Ítarleg útekt um lífeyriskerfið og breytingar sem fyrirhugaðar eru á því er í nýjasta tölublaði Sjúkraliðans sem er nýkomið út. Þar er m.a. að finna viðtöl við Ögmund Jónasson formann BSRB og Hrafn Magnússon, framkvæmdastjóra Landssamtaka lífeyrissjóða, um lífeyrissjóðina.
FOSVest semur við Orkubú Vestfjarða
14.4.2005
FOSVest hefur samið við Orkubú Vestfjarða og hafa félagsmenn greitt atkvæði um samninginn og samþykkt hann. Samningurinn gildir frá 1.desember 2004 til 31. október 2008.
Kjaradeilu SFR og Hjartaverndar vísað til Sátta
13.4.2005
Kjaradeilu SFR og Hjartaverndar hefur verið vísað til ríkissáttasemjara. Hjartavernd hefur hafnað því að endurnýja kjarasamning við SFR og er nú svo komið að SFR hefur vísað málinu til ríkissáttasemjara.
Garðbæingar samþykkja samninginn við ríkið
13.4.2005
Starfsmannafélag Garðabæjar hefur samþykkt kjarasamning félagsins við ríkið. Samningurinn varðar átta félagsmenn og greiddu allir atkvæði. 7 sögðu já og einn nei. Samningurinn telst því samþykktur.
Atvinnulýðræði er til góðs
12.4.2005
"Í kjarasamningum í byrjun níunda áratugar síðustu aldar var samið um að efla atvinnulýðræði í opinberum stofnunum. Því miður var ákvæðum þessara samninga sem BSRB gerði við Ragnar Arnalds þáverandi fjármálaráðherra, ekki alls staðar fylgt eftir. Það var þó gert í Ríkisútvarpinu," segir Ögmundur Jónasson formaður BSRB m.a. í grein á heimasíðu sinni þar sem hann fjallar um frumvarp ríkisstjórnarinnar um Ríkisútvarpið og nefnir RÍKISSTJÓRNIN Á MÓTI ATVINNULÝÐRÆÐI!
Borgarstjóri á fundi hjá fulltrúaráði Starfsmannafélagi Reykjavíkurborgar
12.4.2005
Steinunn Valdís Óskarsdóttir borgarstjóri mætti á fulltrúaráðsfund hjá Starfsmannafélagi Reykjavíkurborgar fimmtudaginn 7. apríl til að kynna stjórnkerfisbreytingar hjá borginni. Auk hennar fluttir Helga Jónsdóttir og Birgir Björn Sigurjónsson framsöguerindi á fundinum en samþykktar hafa verið tillögur Stjórnkerfisnefndar sem miða að því að einfalda stjórnkerfið með samsvörun nefnda og stjórnsýslunnar, skýra ábyrgðarsvið, hraða málsmeðferðum og auka skilvirkni. Gera stöðu borgarstjórnar skýrari og borgarstjórnarfundi markvissari, auka á lýðræðisleg vinnubrögð og samráð til að stuðla að jafnræði og gagnsæi í borgarkerfinu. Félag flugmálastarfsmanna ríkisins samþykkir samninginn við ríkið
11.4.2005
Félag flugmálastarfsmanna ríkisins hefur samþykkt kjarasamning við ríkið með rúmum 80% greiddra atkvæða. Á kjörskrá voru 145, 115 greiddu atkvæði um samninginn eða 79,3%. Já sögðu 94 eða 82%, nei sögðu 16 eða 14%. Auðir og ógildir voru 5 eða 4%.
Húsvíkingar felldu samninginn við ríkið
11.4.2005
Starfsmannafélags Húsavíkur felldi kjarasamninginn við ríkið í almennri atkvæðagreiðslu. 8 sögðu nei, 3 sögðu já og 2 seðlar voru auðir.
Málþing um áfengis- og vímuvarnir á vinnustöðum
8.4.2005
Vinnueftirlit ríkisins stendur fyrir málþingi um áfengis- og vímuvarnir á vinnustöðum á Grand Hóteli, 14. apríl 2005, í salnum Hvammi frá kl. 9:00 – 12:00. Málþingið er öllum opið og er aðgangseyrir kr. 1500.
Kjölur samþykkir samninga við ríkið
8.4.2005
Kjölur, stéttarfélag starfsmanna í almannaþjónustu, hefur samþykkt kjarasamning við ríkið með 88% greiddum atkvæðum.
Samningur Starfsmannafélags Akraness við ríkið felldur
7.4.2005
Starfsmannafélag Akraness felldi nýgerðan kjarasamning við ríkið. Á kjörskrá voru 43 og 36 kusu. Úrslit kosninga urðu þau að 30 sögðu nei en já sögðu 6. Það þýðir að 85% þeirra sem greiddu atkvæði voru á móti samningnum. Samningurinn varðar starfsmenn á Sjúkrahúsi og heilsugæslustöðinni á Akranesi og Fjölbrautaskóla Vesturlands.
Starfsmannafélag Hafnarfjarðar samþykkir samning við ríkið
6.4.2005
Starfsmannafélag Hafnarfjarðar hefur samþykkt kjarasamning Samflots bæjarstarfsmanna við ríkið. 66% þeirra sem samningurinn varðar greiddu atkvæði. Já sögðu 62,5 %. Nei sögðu 37,5 %.
Starfsmannafélag Garðabæjar semur við ríkið
6.4.2005
Starfsmannafélag Garðabæjar undirritaði kjarasamning við launanefnd ríkisins sl. mánudag. Stefnt er að atkvæðagreiðslu um samninginn nk. mánudag.
Starfsmannafélag Suðurnesja samþykkir kjarasamning við ríkið
5.4.2005
Kjarasamningur Starfsmannafélags Suðurnesja við ríkið vegna félagsmanna á Heilbrigðisstofnun Suðurnesja var samþykktur í atkvæðagreiðslu í gær. 43% félagsmanna greiddu atkvæði og var kjarasamningurinn samþykktur með 95% atkvæða.
Starfsmannafélag Reykjavíkur samþykkir samninginn við ríkið
5.4.2005
Starfsmannafélag Reykjavíkurborgar hefur samþykkt kjarasamning við ríkið. Gildistími kjarasamninginn er frá 1. febrúar 2005 til 30 apríl 2008. Á kjörskrá voru 167. Atkvæði greiddu 58 eða 34%. Já sögðu 44 eða 76%. Nei sögðu 14 eða 24%.
FOSVest samþykkir samninginn við ríkið
4.4.2005
Félag opinberra starfsmanna á Vestfjörðum hefur samþykkt kjarasamninginn við ríkið. Atkvæði voru talin 1. apríl sl. Á kjörskrá voru 32, 17 greiddu atkvæði eða 53% sem féllu þannig 16. sögðu já eða 94% og 1. seðill var auður.
SFR samþykkir kjarasamning við ríkið
2.4.2005
Félagsmenn í SFR samþykktu nýgerðan kjarasamning við ríkið með miklum meirihluta, samkvæmt frétt á heimasíðu SFR. Já sögðu 70 prósent en nei 28 prósent. Auð og ógild atkvæði voru 2%. Á kjörskrá voru 4672, þar af greiddu 1957 atkvæði eða 42 prósent félagsmanna.
Ekkert að óttast - bara drífa sig
1.4.2005
Enn eru laus sæti á námskeið tungumálafræðslu BSRB í spænsku, dönsku og ensku. Þau byrja á mánudaginn kemur, 4. apríl og verða á mánud. og miðvikud. kl. 17 – 19:30 (8 skipti). Það er Framvegis sem sér um námskeiðin á höfuðborgarsvæðinu.
Um BSRB
Á döfinni
10. febrúar 2012
23. mars 2012
18. maí 2012
Leit
Stjórnborð
