Vinnuhópur á vegum velferðarráðherra leggur til að tekið verði upp nýtt og gjörbreytt húsnæðisbótakerfi sem tryggir öllum sama rétt til fjárhagsstuðnings hins opinbera.„Með tillögum hópsins næst það fram sem BSRB hefur verið að berjast fyrir undanfarin ár - að jafna bótagreiðslur á milli ólíkra búsetuforma," segir Hilmar Ögmundsson, hagfræðingur BSRB, um nýja skýrslu vinnuhóps um húsnæðisbætur sem kynnt var í dag.

Árleg menningarhátíð BSRB í Munaðarnesi fer fram á laugardaginn kemur, þann 26. maí kl. 14:00. Opnuð verður sýning á verkum listamannsins Ella, Sigríður Thorlacius flytur nokkur lög við undirleik Guðmundar Óskars Guðmundssonar og Rannveig Thoroddsen líffræðingur fjallar um gróður og flóru í Munaðarnesi og nágrenni.

Kynningarfundir fyrir sjóðfélaga LSR verða haldnir nú á fimmtudag, þann 24. maí. Um er að ræða kynningarfundi fyrir sjóðfélaga LSR sem vilja fræðast um lífeyrismál almennt, um uppbyggingu réttindakerfisins, iðgjaldaskil, lífeyristökualdur og áætlaðar lífeyrisgreiðslur.

VIRK-starfsendurhæfingarsjóður býður til morgunfundar þriðjudaginn 22. maí kl. 8:00 á 1. hæð BSRB-hússins, Grettisgötu 89. Þar verður fjallað um starf VIRK og stöðuna hjá VIRK-ráðgjöfum BSRB félaganna.

Ársfundur Lífeyrissjóðs starfsmanna ríkisins og Lífeyrissjóðs hjúkrunarfræðinga verður haldinn þriðjudaginn 22. maí, á Hilton Reykjavík Nordica, Suðurlandsbraut 2 og hefst hann kl. 15:00.

Sjúkraliðafélag Íslands hélt 21. fulltrúaþing sitt þann 10. maí síðastliðinn. Nokkrar ályktanir voru samþykktar á fulltrúaþinginu sem m.a. fjölluðu um jafnréttis og kjaramál, velferðarmál og ný lög um heilbrigðisstarfsmenn. Ályktanirnar í heild sinni má sjá hér að neðan.

Kjara og viðhorfskönnun BSRB er nú lokið og vill bandalagið þakka þeim félagsmönnum sem gáfu sér tíma til þess að svara henni. Úrvinnsla gagna er nú hafin og munu niðurstöður birtast næstkomandi haust. Dregið hefur verið í happadrætti innsendra svara og má finna vinningsnúmerin hér að neðan.

Niðurstöður úr könnuninni Stofnun ársins - borg og bær verða birtar síðar í dag. Könnunin er samstarfsverkefni VR, Starfsmannafélags Reykjavíkurborgar og SFR stéttarfélags í almannaþjónustu með þátttöku ríkisins og verða úrslitin gerð ljós seinnipartinn í dag og munu niðurstöðurnar birtast á vef félaganna http://www.sfr.is/ og http://www.strv.is/.

Starfsmannafélag Hafnarfjarðar ætlar að vera með félags- og skemmtifund í kvöld frá kl. 20-22 í nýjum matsal bæjarstarfsmanna við Strandgötuna. Þar verður samblanda af sæmilega alvarlegum erindum og gamanmálum.

Talið er að um 400 þúsund opinberir starfsmenn á Bretlandseyjum taki á þessari stundu þátt í sólarhrings verkfalli. Þar er fyrst og fremst verið að mótmæla niðurskurði ríkisstjórnarinnar og skerðingu á eftirlaunaréttindum.

In/Equalities, Democracy and the Politics of Transition - Alþjóðaráðstefna um lýðræði, samfélagsáföll og pólitísk umbreytingaskeið hefst í dag í Háskóla Íslands. Meginviðfangsefni ráðstefnunnar er lýðræði og íslenska stjórnlagaráðið/þingið; ó/jafnrétti og velferð; og pólitískar, samfélagslegar og menningarlegar tilraunir til að glíma við afleiðingar hrunsins og kreppunnar á Íslandi og í Evrópu.

Skýrsla Samhæfingarnefndar um siðferðileg viðmið fyrir stjórnsýsluna var kynnt í gær. Í skýrslunni er farið yfir starf nefndarinnar frá því hún var skipuð haustið 2010 en megináherslan hefur verið á að stuðla að setningu siðareglna og kynningu þeirra og innleiðingu.

Frumvarp velferðarráðherra til laga um heilbrigðisstarfsmenn var samþykkt á Alþingi í vikunni. Lögin fjalla um réttindi og skyldur þeirra 33. löggiltu heilbrigðisstétta sem starfa í landinu og leysa af hólmi fimmtán lög sem nú gilda um störf þeirra. Ný lög um heilbrigðisstarfsmenn taka gildi 1. janúar 2013.

Elín Björg Jónsdóttir, formaður BSRB, var gestur Morgunútvarpsins á Rás 2 í gærmorgun. Þar fjallaði hún um verkalýðsbaráttuna þann 1. maí auk þess sem hún var spurð um kynbundin launamun. Elín Björg m.a. sagði frá niðurstöðum kjarakönnunar St.Rv og SFR sem hafa leitt í ljós að kynbundinn launamunur sé enn töluverður.

Árlegt kynjabókhald BSRB er nú gefið út í þriðja sinn en það kom fyrst út árið 2010. Tilurð þess er að rekja til jafnréttisnefndar BSRB sem ákvað að greina skyldi helstu lykiltölur á öllum helstu sviðum í starfsemi bandalagsins og aðildarfélaga þess. Í kynjabókhaldinu er að finna upplýsingar um hin ýmsu kynjahlutföll innan BSRB sem aflað var í febrúar til apríl á þessu ári.

Elín Björg Jónsdóttir, formaður BSRB, var aðalræðumaður á 1. maí hátíðarhöldunum á Húsavík í dag. „Niðurskurður, uppsagnir og kjaraskerðingar hafa einkennt þessi ár eftir efnahagshrunið. Velferðarkerfið eins og það leggur sig er í hættu og því megum við aldrei fórna," var á meðal þess sem Elín Björg sagði í ræðu sinni en hana má nálgast í heild sinni hér að neðan.

Þuríður Einarsdóttir, formaður Póstmannafélags Íslands, var einn ræðumanna á 1. maí hátíðarhöldunum í Reykjavík í dag. „Nú er kominn tími til að horfa til framtíðar og byggja upp réttlátt þjóðfélag. Þjóðfélag jöfnuðar og almennrar velferðar. Til þess þurfum við fyrst og síðast að sýna samstöðu," var á meðal þess sem Þuríður sagði í ræðu sinni á Ingólfstorgi í dag. Ræðuna má sjá í heild sinni hér að neðan.

BSRB óskar félagsmönnum sínum og landsmönnum öllum hjartanlega til hamingju með baráttudag verkalýðsins. Víða um land fara fram hátíðarhöld í tilefni dagsins og hvetur BSRB sem flesta til að taka þátt í þeim. Hér að neðan má sjá lista yfir helstu viðburði dagsins.

BSRB hvetur alla félagsmenn til að mæta á baráttufund þann 1. maí. Hátíðarhöldin í Reykjavík fara fram að Ingólfstorgi en safnast verður saman við Hlemm kl. 13 og þaðan verður gengið niður Laugaveg að Ingólfstorgi þar sem útifundurinn hefst kl. 14:10.

Við minnum félagsmenn BSRB á að kjara- og viðhorfskönnunin sem Capacent Gallup er að framkvæma fyrir bandalagið er enn opin. Nú eru allra síðustu forvöð að svara könnuninni og BSRB hvetur alla félagsmenn eindregið til að taka þátt í könnuninni enda skapar könnunin mikilvægan grunn til samanburðar og rannsókna á launaþróun meðal félagsmanna BSRB.

Ársfundur Lífeyrissjóðs starfsmanna sveitarfélaga verður haldinn þriðjudaginn 8. maí kl. 16.00, í húsakynnum Sambands íslenskra sveitarfélaga að Borgartúni 30, Reykjavík.

Undanfarið hefur verið fjallað um mögulegar hækkanir barnabóta til að bregðast við þeim skuldavanda sem barnafjölskyldur standa frammi fyrir. BSRB hefur ítrekað bent stjórnvöldum á mikla rýrnum kaupmáttar barnabóta á síðustu árum og stutt þá með útreikningum Hilmar Ögmundssonar, hagfræðings BSRB.

Guðbjartur Hannesson velferðarráðherra ávarpaði ársfund VIRK-Starfsendurhæfingarsjóðs fyrir síðustu helgi og ræddi þar meðal annars um frumvarp til laga um starfsendurhæfingu sem nú liggur fyrir Alþingi. Ráðherra sagði til mikils að vinna að forða sem flestum frá örorku og stuðla að virkni fólks eins og kostur er á öllum æviskeiðum.

50 ár eru í dag liðin frá því BSRB fékk samningsrétt fyrir alla opinbera starfsmenn. Allt til ársins 1962 var kveðið á um laun starfsmanna ríkisins í sérstökum lögum. Þann 17. apríl 1962 voru sett lög nr. 55, um kjarasamninga opinberra starfsmanna. Lögin fólu í sér þá gagngeru breytingu að eftirleiðis skyldu launakjör þorra allra ríkisstarfsmanna ákveðin með kjarasamningum.

Alþjóðleg ráðstefna um konur, kynjajafnrétti og kreppuna fer fram við Háskóla Íslands 21. og 22. apríl 2012. Þar verður mörgum spurningum velt upp s.s. hver staða íslenskra kvenna sé í kreppunni og hvernig er hún í samanburði við stöðu kvenna í öðrum löndum? Á ráðstefnunni koma saman margir helstu sérfræðingar heims á sviði kynja- og vinnumarkaðsmála.

„Stjórnsýsluhindrunum fylgir óöryggi, þær draga úr tækifærum fólks og þær geta verið kostnaðarsamar. Nú er kominn tími til að takast á við stjórnsýsluhindranir," er meðal þess sem stendur í bréfi sem Norræna verkalýðssambandið, NFS, hefur ritað alþingismönnum á Íslandi. Þar er m.a. fjallað um mikilvægi atvinnuleysistrygginga, endurhæfingar og starfsþjálfunar á vinnumarkaði.

Ársfundur VIRK verður haldinn fimmtudaginn 12. apríl 2012 kl. 8:00 til 12:00 í Hörpu í Norðurljósasalnum. Dagskráin er tvískipt. Fyrri hluti fundarins inniheldur fræðandi erindi og hefst hann með ávarpi Guðbjarts Hannessonar velferðarráðherra kl. 8:15.

Rannsóknarstofa í bernsku- og æskulýðsfræðum og Verkefnastjórn um aðgerðir gegn einelti standa að málstofu um einelti þann 12. apríl kl. 14 -16:30 í stofu H 207 í húsnæði Menntasviðs Háskóla Íslands við Stakkahlíð. Aðgangur öllum opinn og er ókeypis.

„Við verðum að tryggja það að fólk sem er með meðaltekjur og þar fyrir neðan að það lendi ekki í skerðingu, það fái fullar barnabætur," sagði Elín Björg Jónsdóttir, formaður BSRB í viðtali við Fréttastofu Rúv í gærkvöldi. Unnið er að nýrri skýrslu um stöðu heimilanna fyrir stjórnvöld og leggur BSRB mikla áherslu á að ráðist verði í úrbætur á barnabóta- og vaxtabótakerfunum.

Skrifstofa BSRB óskar félagsmönnum sínum sem og öðrum landsmönnum gleðilegra páska. Skrifstofa BSRB verður lokuð yfir páskahátíðina en opnar aftur þriðjudaginn 10. apríl kl. 9:00.

Nú eru síðustu forvöð að skrá sig til þátttöku á námskeiðið Framrás 1 - Ég og starfið hjá Starfsmenn en námskeiðið hefst mánudaginn 16. apríl. Um er að ræða námskeið þar sem lögð er áhersla á samskipti og samskiptafærni.

Gylfi Magnússon, dósent við Viðskiptafræðideild Háskóla Íslands, verður með erindi á málstofu Viðskiptafræðideildar undir yfirskriftinni Ávöxtun og ávöxtunarviðmið íslenskra lífeyrissjóða í hádeginu í dag, þriðjudaginn 3. apríl.

Umhverfisátkaði Grænn apríl hófst í gær og stendur út mánuðinn. Með því á að stuðla að vitundarvakningu og auka umræðu um umhverfismál. Fyrirtæki, einstaklingar, félagasamtök og sveitarfélög taka þátt í átakinu á ýmsan hátt meðal annars með því að kynna grænar vörur, þekkingu og þjónustu.

Niðurstöður nýrrar launarannsóknar Hagstofunnar á almennum vinnumarkaði sýna að launamunur kynjanna er enn mjög mikill. Þetta er í samræmi við niðurstöður síðustu launakönnunar SFR og Starfsmannafélags Reykjavíkurborgar.

Verkalýðssamtök á Spáni boðuðu allsherjarverkfall á Spáni í dag til að mótmæla miklu atvinnuleysi, niðurskurði og breytingum á vinnulöggjöf landsins sem margir telja mikla afturför í réttindum launafólks þar í landi.

Lúðrasveit verkalýðsins heldur sína árlegu vortónleika þann 31. mars kl. 14 í Fella og Hólakirkju. Þema tónleikanna að þessu sinni er suðrænt og seiðandi þar sem mambo, salsa og fleiria skemmtilegt verður leikið fyrir gesti. Lúðrasveitin hvetur alla til að mæta en ókeypis er á tónleikana.

Meira en tvær milljónir opinberra starfsmanna í Þýskalandi lögðu í dag niður störf til að krefjast hærri launa. Starfsmennirnir krefjast 6,5% launahækkunar.

Aðalfundur SFR var haldinn þann 22. mars og þar voru m.a. samþykktar ályktanir um lífeyrismál, kjara- og efnahagsmál, jafnréttismál og skattamál. Fundurinn lýsti yfir þungum áhyggjum af stöðu opinberra starfsmanna, en laun þeirra hafa dregist aftur úr launum á almennum markaði og ráðstöfunartekjur rýrnað.

Framkvæmdanefnd BSRB fundaði fyrr í vikunni ásamt þingmönnum Hreyfingarinnar. Þar kynnti BSRB fyrir þingmönnunum starfsemi bandalagsins og rætt var um hin ýmsu baráttumál og hagsmunamál.

Þótt sumarið sé handan við hornið er enn nóg um að vera hjá Fræðslusetrinu Starfsmennt og þar er er enn fjöldi námskeiða í boði. Að venju er allt nám félagsmönnum aðildarfélaga að kostnaðarlausu og í flestum tilfellum opið öðrum gegn gjaldi.

Samkvæmt svari fjármálaráðherra við fyrirspurn Margrétar Tryggvadóttur, þingmanns Hreyfingarinnar, drógust útgjöld ríkisins vegna barnabóta saman um 1,7 milljarð króna á síðasta ári. Þetta er í samræmi við það sem BSRB hefur sagt en bandalagið hefur einnig bent á hina miklu kaupmáttarrýrnun sem orðið hefur á barnabótum síðustu þrjú ár, sem er allt að 30%.

LSR mun halda sjóðfélagafund á Akureyri fimmtudaginn 22.mars í tilefni af nýlegri skýrslu um úttekt á fjárfestingarstefnu, ákvarðanatöku og lagalegu umhverfi lífeyrissjóðanna í aðdraganda bankahrunsins 2008.

Framkvæmdanefnd BSRB fundaði fyrir skemmstu með formanni og varaformanni Framsóknarflokksins í húsnæði BSRB að Grettisgötu. Þar kynnti framkvæmdanefndin fyrir þeim Sigmundi Davíð Gunnlaugssyni og Birki Jóni Jónssyni helstu málin sem BSRB hefur verið að vinna að síðustu misserin og framundan eru.

Mannréttindaskrifstofa Reykjavíkurborgar og MARK - miðstöð margbreytileika og kynjarannsókna við Háskóla Íslands hafa gefið út bækling sem nefnist Klámvæðing er kynferðisleg áreitni. Bæklingurinn varpar ljósi á það hvernig konur upplifa klám á vinnustöðum og umræðu um útlit sitt í stað frammistöðu.

Aðalfundur Starfsmannafélags Reykjavíkurborgar var haldinn nýverið. Þar fór Garðar Hilmarsson, formaður félagsins, yfir skýrslu stjórnar sem var birt í fréttabréfi sem félagsmenn hafa fengið sent. Einnig má nálgast skýrsluna á vef félagsins. Þá voru ályktanir sendar út að loknum fundi þar sem m.a. var fjallað um kjaraskerðingar, aukið álag, launamun og húsnæðismál.

Umsamin launakjör í kjarasamningum opinberra starfsmanna árið 2011 voru sambærileg og í kjara­samningum á almennum vinnumarkaði. Þrátt fyrir þetta hafa laun starfsmanna á almennum vinnu­markaði hækkað að meðaltali umfram laun opinberra starfsmanna. Það bendir til þess að umsvif á almennum vinnumarkaði séu að aukast, þar sem þessar launahækkanir eru langt umfram kjara­samnings­bundnar hækkanir.

Í tilefni af nýlegri skýrslu um úttekt á fjárfestingarstefnu, ákvarðanatöku og lagalegu umhverfi lífeyrissjóðanna í aðdraganda bankahrunsins 2008 boðar stjórn LSR til fundar með sjóðfélögum.

Alþjóðlegur baráttudagur kvenna er í dag, 8. mars. Víða verður boðið upp á alls kyns viðburði í tilefni dagsins. BSRB mun ásamt öðrum verkalýðsfélögum og samtökum launafólks standa að málþingi á Grand hótel þennan dag. Hér að neðan má sjá dagskrá málþingsins og annarra uppákoma í dag.

Sameiginlegu átaksverkefni atvinnulífsins, stéttarfélaga og stjórnvalda, Vinnandi vegur, verður kynnt rækilega með sérstakri atvinnumessu í Laugardalshöll fimmtudaginn 8. mars frá kl. 10-16. Stefnt er að því að skapa 1500 störf og starfstengd úrræði og kynna þau á atvinnumessunni.

Lífeyrissjóður starfsmanna sveitarfélaga og lífeyrissjóðir í hans rekstri boða til sameiginlegs sjóðfélagafundar á Grand Hótel Reykjavík við Sigtún þann 13. mars nk. kl. 17.00.Farið verður yfir rekstur og afkomu lífeyrissjóðanna í ljósi nýútkominnar skýrslu Landssamtaka lífeyrissjóða um úttekt á fjárfestingastefnu, ákvarðanatöku og lagalegu umhverfi lífeyrissjóðanna í aðdraganda bankahrunsins 2008.

Alþjóðlegur baráttudagur kvenna fer venju samkvæmt fram þann 8. mars. BSRB mun ásamt öðrum verkalýðsfélögum og samtökum launafólks standa að málþingi á Grand hótel þennan dag. Yfirskrift málþingsins að þessu sinni er „Starfslok - endastöð eða nýtt upphaf? - konur á barmi starfsloka".

Íslandsmót iðn- og verkgreina verður haldið í Háskólanum í Reykjavík 9. - 10. mars. Mótið hefst kl. 9.30 föstudaginn 9. mars og lýkur kl. 16.00 næsta dag. Meðal þeirra sem þar taka þátt eru félagar í Sjúkraliðafélaginu.

Íslensk stjórnvöld hafa skilað lokaafstöðu sinni vegna tilmæla sem fram komu á vettvangi mannréttindaráðs Sameinuðu þjóðanna í reglubundnu eftirliti með mannréttindum á Íslandi sem fram fór í Genf 10. október síðastliðinn. Helsta gagnrýnin sem kom fram varðandi mannréttindi á Íslandi varða fangelsismál, málefni erlendra ríkisborgara, , launamun kynjanna, ofbeldi gegn konum og börnum.

Víða hefur verið efnt til mótmæla í dag til að vekja æðstu ráðamenn í löndum Evrópu til umhugsunar. Leiðtogar Evrópuríkja munu á morgun hittast í Brussel til að ræða m.a. um aðgerðir vegna fjárhagsvanda Evrópu. Bernadette Ségol aðalritari ETUC, Evrópusambands verkalýðsfélaga, hvatti fólk til að sýna samstöðu í dag og benti á að uppsagnir og niðurskurður á velferð leystu ekki vanda heldur myndu þvert á móti auka hann.

Það mikilvæga skref var stigið fyrir helgi að birta í fyrsta sinn upplýsingar um leiguverð eftir svæðum og stærðum fasteigna á heimasíðu Þjóðskrár. Um er að ræða verðupplýsingar sem unnar eru úr þinglýstum leigusamningum en BSRB hefur lengi talað fyrir því að slíkar upplýsingar, unnar af opinberum aðila, yrðu aðgengilegar fyrir almenning.

Vinnuhópur sem fjallað hefur um leiðir til að efla og samræma öflun og miðlun upplýsinga um húsnæðismál skilaði velferðarráðherra tillögum sínum í dag. Tillögur hópsins eru liður í stærra verkefni sem miðar að því að móta heildstæða húsnæðisstefnu á Íslandi. BSRB fagnar því að verið sé að taka á þessum málaflokki enda hefur bandalagið ítrekað talað fyrir að brýn þörf sé á fjölbreyttari úrræðum í húsnæðismálum landsmanna.

Framkvæmdanefnd BSRB fundaði í gærmorgun með forsætis-, fjármála- og velferðarráðherra. Tilefni fundarins voru ýmis mál er varða kjaramál opinberra starfsmanna.

Velferðarráðherra lagði skýrsluna um félagsvísa fram í ríkisstjórn á föstudaginn sl. Í minnisblaði sem fylgdi með var lagt til að ríkisstjórnin feli Hagstofu Íslands að taka við verkefninu.

Vinnandi vegur er sameiginlegt átak samtaka atvinnurekenda, sveitarfélaga, stéttarfélaga og ríkisins. Með átakingu gefst atvinnurekendum kostur á styrk með ráðningu nýrra starfsmanna úr hópi atvinnuleitenda. Átakið beinir sjónum sérstaklega að einstaklingum sem hafa verið án vinnu lengur en 12 mánuði.

Hæstiréttur kvað upp dóm sinn í gær í máli félagsmanns BSRB vegna kynferðislegrar áreitni á vinnustað. Málsatvik voru þau að yfirmaður og tveir starfsmenn fóru í vinnuferð í sumarbústað vegna fyrirhugaðra breytinga á starfssviði konunnar sem áttu að fela í sér umfangsmeiri verkefni og aukna ábyrgð. Taldi konan sig hafa orðið fyrir kynferðislegri áreitni í vinnuferðinni og kvartaði þar um til starfsmannahalds síns atvinnurekanda. Fljótlega fór að draga úr verkefnum hennar í vinnu og taldi konan brotið á sér. Eftir árangurslausar sáttaumleitanir lagði hún málið fyrir dóm.

 

Hilmar Ögmundsson, hagfræðingur BSRB hélt erindi á trúnaðarmannaráðsfundi SFR í síðustu viku þar sem hann fjallaði um þróun launa og ráðstöfunartekna. Þar rakti hann m.a. rýrnun kaupmáttar og mismunandi kaupmátt ákveðinna hópa.

BSRB fagnar í dag 70 ára afmæli en samtökin voru formlega stofnuð í Reykjavík þann 14. febrúar árið 1942. Í dag eru BSRB stærstu hagsmunasamtök opinberra starfsmanna á Íslandi með meira en 20 þúsund skráða félagsmenn.

BSRB hefur samið við Capacent Gallup um kjara- og viðhorfskönnun meðal allra aðildarfélaga bandalagsins.  Hún mun verða ein af stærstu og veigamestu launa- og vinnumarkaðskönnunum landsins.  Félagsmenn BSRB mega eiga von á hringingu á næstu dögum og vikum þar sem þeim verður boðin þátttaka í könnuninni. Sjálf könnunin verður svo send rafrænt út í mars og mun gagnaöflun fara fram þann mánuðinn. Mikilvægt er að sem flestir taki þátt til að niðurstöðurnar nýtist félagsmönnum í baráttunni um betri kaup og kjör. BSRB hvetur því alla félagsmenn til að taka þátt í könnuninni.

Mikið hefur verið fjallað um lífeyrismál á Íslandi undanfarið. Svíar hafa einnig verið að fjalla um þennan málaflokk, sérstaklega eftir að Frederik Reinfeldt, forsætisráðherra Svíþjóðar, viðraði þær hugmyndir að hækka eftirlaunaaldur um tíu ár. Á vefritinu Smugan.is er formaður BSRB spurður út í þessar hugmyndir auk þess sem Þórólfur Matthíasson, prófessor í hagfræði við Háskóla Íslands, stendur fyrir svörum.

Haukur Hafsteinsson, framkvæmdastjóri LSR, mætti á fund trúnaðarmanna SFR í gærdag. Í erindi sínu leitaðist hann við að útskýra úttektarskýrslu lífeyrissjóðanna og tap lífeyrissjóðanna en miklar umræður sköpuðust á fundinum. Trúnaðarmannaráð SFR sendi í kjölfarið frá sér ályktun um málið.

Félagsmálaskóli Alþýðu minnir á að á næstu misserum verður farið um landið til að kenna trúnaðarmannanámskeið. Dagana 20.- 22. febrúar er komið að Norðurlandi eystra en kennt verður að Löngumýri. Um er að ræða þrep 1 úr námsskránni, Trúnaðarmannanámskeið I.

Starfslokanámskeið BSRB fór fram í síðustu viku en námskeiðið er einkum ætlað þeim sem eru að nálgast starfslok eða eru nýlega hættir störfum. Félagsmenn BSRB og makar þeirra fjölmenntu á námskeiðið sem var yfirfullt og rúmlega það.

Innanríkisráðherra tilkynni á Alþingi í gær að hann hafi ákveðið að fara að fordæmi Norðmanna varðandi þjónustutilskipun EES um málefni póstsins. Það þýðir að Ísland mun ekki innleiða þjónustutilskipun EES um póstinn og þannig setja sig upp á móti frekari einkavæðingu póstþjónustu á Íslandi.

Samband sveitarfélaga á Suðurnesjum og Vegagerðin undirrituðu nýverið samning um skipulagningu almenningssamgangna milli Suðurnesja og höfuðborgarsvæðisins. BSRB fagnar því að auka eigi hlut almenningssamgangna enda er það í samræmi við ályktun 42. þings bandalagsins.

BSRB vekur athygli starfsmanna sveitarfélaga og stofnanna þeirra á því að samkvæmt kjarasamningum ber þeim að fá sérstaka eingreiðslu þann 1. febrúar 2012.

Fræðsluaðilar og stéttarfélög innan BSRB og ASÍ hafa sammælst um heildstætt nám fyrir starfsfólk og stjórnarmenn til að styrkja fagmennsku, lýðræðislega virkni og nýjungar í þjónustu við félagsmenn. Um er að ræða 173 klukkustunda námsleið sem samanstendur af 26 sjálfstæðum námskeiðum sem þátttakendur geta valið úr út frá eigin fræðsluþörfum.

Framkvæmdanefnd BSRB fundaði í dag með formanni og varaformanni Sjálfstæðisflokksins í húsnæði BSRB að Grettisgötu. Þar kynnti framkvæmdanefndin fyrir þeim Bjarna Benediktssyni og Ólöfu Norðdal helstu málin sem BSRB hefur verið að vinna að síðustu misserin og framundan eru.

Á félagsfundi SFR stéttarfélags sem haldinn var í gær að frumkvæði starfsmanna Vinnumálastofnunar kom fram mikil óánægja meðal fundarmanna vegna fyrirhugaðs tilraunaverkefnis sem felur í sér að hluti starfsemi stofnunar muni færist yfir á skrifstofur stéttarfélaga. Starfsmenn hafa þungar áhyggjur af fyrirhugaðri framkvæmd og segja m.a. í ályktun sem fundurinn sendi frá sér með öllu óskiljanlegt hvernig hægt er að setja aukafjármuni upp á 300 milljónir í slíkt tilraunaverkefni í stað þess að efla starf stofnunarinnar og starfsfólk hennar.

Fjallað verður um starfsmenntun á Íslandi, þróun hennar og framtíðarhorfur á ráðstefnu Iðnmenntar sem fram fer í næstu viku. Katrín Jakobsdóttir menntamálaráðherra mun ræða stefnu stjórnvalda í starfsmenntun, skólameistararnir Baldur Gíslason og Guðrún Hrefna Guðmundsdóttir verða með erindi auk aðila vinnumarkaðarins.

Ögmundur Jónasson innanríkisráðherra lýsti áhyggjum sínum á Alþingi í gær af því að embættismenn og ríkisstofnanir væru að ánetjast utanlandsferðum í tengslum við aðildarviðræðurnar við ESB. Framkvæmdastjóri BSRB segir málflutninginn ómaklegan og ekki sæmandi manni í hans stöðu.

Tilraunaverkefni nokkurra stéttarfélaga innan ASÍ um tilfærslu á þjónustu við atvinnuleitendur verður undirritað síðar í vikunni ef allt gengur eftir. Formaður BSRB hefur undanfarið lýst andstöðu við þetta fyrirkomulag og í gær tók formaður SFR opinberlega undir þá gagnrýni. Fjallað var um málið í fjölmiðlum bæði í dag og í gær.

BSRB hefur áður lýst andstöðu sinni á tilfærslu á þjónustu við atvinnuleitendur frá Vinnumálastofnun til stéttarfélaga. Nú liggur hins vegar ljóst fyrir að velferðarráðuneytið hefur samþykkt að tiltekin stéttarfélög innan Alþýðusambandsins munu taka þátt í svokölluðu tilraunaverkefni þar sem stéttarfélögin í samstarfi við atvinnurekendur koma í ríkara mæli að þjónustu við atvinnuleitendur. Til verkefnisins á að leggja árlega 113 milljónir næstu þrjú árin og munu þeir fjármunir koma úr Atvinnuleysistryggingasjóði.

Málþing BSRB, KÍ og BHM fór fram á Grand hótel í gær fyrir fullum sal en alls mættu rúmlega 400 manns til að hlíða á þau erindi sem þar voru flutt.

"Almennt eru greiðslur úr almennu lífeyrissjóðunum til ellilífeyris talsvert lægri en úr þeim opinberu. Hins vegar jafnast bilið mjög þegar tekið er tillit til greiðslna frá Tryggingastofnun ríkisins. Þær stuðla að því að allir ná ákveðu lágmarki ráðstöfunartekna. Greiðslurnar frá TR eru skertar eftir því sem meira er greitt úr lífeyrissjóðum. Skattgreiðslur minnka einnig muninn því að þeir sem meiri tekjur fá eru jafnframt meiri tekjustofn fyrir ríkið," er meðal þess sem stendur í skýrslu Benedikts Jóhannessonar sem hann vann fyrir BSRB, KÍ og BHM og kynnt var á málþinginu „Samspil lífeyris og almannatrygginga - þín framtíð" fyrr í dag.

Málþingið „Samspil lífeyris og almannatrygginga - þín framtíð" fer fram á Grand hótel Reykjavík í dag á vegum BSRB, BHM og KÍ. Smávægileg bilun kom upp á vefútsendingu til að byrja með en það á nú að vera komið í lag.

SFR stéttarfélag hefur boðið forsvarsmenn ÁTVR á sinn fund í næstu viku vegna óánægju félagsmanna með uppsagnir hjá fyrirtækinu. Fjórir starfsmenn vínbúðarinnar á Akureyri hafa leitað til félagsins vegna uppsagnanna en öllum var þeim sagt upp í síðustu viku án skýringa.

Formenn BSRB, KÍ og BHM rita sameiginlega grein í Fréttablaðið í dag undir yfirskriftinni „Munur lífeyrisréttinda minni en margir telja". Greinin setur tóninn fyrir málþing bandalaganna þriggja sem fram fer á morgun þar sem ný skýrsla um samspil lífeyrisgreiðslna og almannatrygginga verður kynnt til sögunnar.

Málþing BHM, BSRB og KÍ um samspil lífeyris og almannatrygginga verður haldið á Grand hótel Reykjavík
þann 19. janúar nk. frá kl.13.00-16.00.

Framkvæmdanefnd BSRB átti í síðustu viku fund með Oddnýju Harðardóttur fjármálaráðherra. Þar var m.a. rætt um þá ákvörðun kjararáðs að draga til baka launalækkanir hjá ráðherrum, þingmönnum og embættismönnum sem BSRB telur vera fordæmisgefandi fyrir sína félagsmenn.

Fulltrúaráðsfundur Starfsmannafélags Reykjavíkurborgar sendi frá sér eftirfarandi ályktun í kjölfar fundar sem haldinn var í vikunni þar sem krafist er leiðréttingar á launum.

Kaupmáttur barnabóta hefur rýrnað um 30 prósent síðastliðin þrjú ár hjá hjónum sem eru á lágmarkslaunum og eiga tvö börn samkvæmt útreikningum Hilmars Ögmundssonar, hagfræðings BSRB. Hann fjallaði um málið í hádegisfréttum Rúv í dag og þá birtir vefmiðilinn Eyjan ítarlega útekt á málinu.

Guðbjarti Hannessyni, velferðarráðherra, var fyrr í vikunni afhent ályktun að loknum fundi sem haldinn var með honum og stjórn Vesturlandsdeildar Sjúkraliðafélags Íslands. Þar var fækkun rýma á Sjúkrahúsi Akraness mótmælt.

Stjórnvöld undirbúa nú tilraunaverkefni sem felur í sér að stéttarfélög taka að sér hluta af þjónustu atvinnuleitenda. BSRB, KÍ og BHM vara eindregið við því að þessi leið verði farin og óttast að fyrirkomulagið verði til að skerða bolmagn Vinnumálastofnunar til að sinna starfi sínu.

Ráðgjafafyrirtækið Talnakönnun hefur tekið saman fyrir VIRK nokkur einföld dæmi um fjárhagslegan ávinning þess þegar starfsendurhæfing skilar þeim árangri að einstaklingur tekur fullan þátt á vinnumarkaði í stað þess að fara á örorkulífeyri.

Málþing um samspil lífeyrisgreiðslna frá lífeyrissjóðum og Tryggingastofnunar ríkisins fer fram á Grand hóteli í Reykjavík fimmtudaginn 19. janúar. BSRB, KÍ og BHM standa sameiginlega að málþinginu þar sem Benedikt Jóhannesson mun kynna efni nýrrar skýrslu sem hann hefur unnið um ofangreint málefni með sérstaka áherslu á lífeyrissjóði opinberra starfsmanna.

Mennta- og menningarmálaráðuneytið auglýsir nú eftir umsóknum um styrki til fyrirtækja eða stofnana sem taka nemendur í vinnustaðanám. Markmið styrkjanna er að gera fleiri nemendum sem taka starfsþjálfun sem hluta af starfsnámi á framhaldsskólastigi kleift að ljúka tilskilinni þjálfun á vinnustað.

BSRB og Fræðslusetrið Starfsmennt hafa hannað 170 stunda heildstæða námsleið um forystufræðslu fyrir starfsfólk, stjórnendur og stjórnarmenn stéttarfélaga innan BSRB. Markmið námsins er að efla þekkingu og fagmennsku þátttakenda um leið og lýðræðisleg virkni, upplýsingamiðlun og liðsheild samtakanna er efld.

Fljótlega verður boðið upp á sameiginleg trúnaðarmannanámskeið fyrir öll stéttarfélög innan ASÍ og BSRB á landsbyggðinni. Mikilvægt er að félagsleg fræðsla trúnaðarmanna sé sem allra best og allir trúnaðarmenn fái tækifæri til að sækja trúnaðarmannanámskeið og því hefur verið ákveðið að fara hringinn í kringum landið.