"Ég lít svo á að  það muni reyna á það á morgun hvort einhver samningsvilji er fyrir hendi hjá viðsemjendum okkar," segir Vernharð Guðnason formaður Landssambands slökkviliðs- og sjúkraflutningamanna um stöðuna í samningaviðræðum félagsins við Launanefnd sveitarfélaga.

Samninganefnd LSS og LN funduðu í gær og er næsti fundur fyrirhugaður á morgun. Vonast Vernharð eftir að LN kynni þá tillögur um hvernig hægt verði að leiðrétta stöðu félagsmanna.