Góður rómur var gerður að fyrirlestri Sigursteins Mássonar formanns Geðhjálpar sem hann flutti í gær í BSRB húsinu. Aðsókn var mjög góð. Fyrirlesturinn nefndist "Andleg sjálfsvörn" og var hugsaður sem andsvar við tvíhyggju þ.e.a.s. aðgreiningu líkama og sálar.

Sigursteinn kom víða við í fyrirlestrinum. Hann fjallaði um leiðir til að vernda geðheilbrigði og varnir gegn neikvæðum hugsunum og áreiti í samskiptum fólks. Einnig fór hann yfir hugrænar leiðir til að ná utan um eigið hlutverk og tilgang á mismunandi tímabilum. Fyrirlesturinn fjallaði um óttann og það sem raunverulega skiptir máli í lífinu.