Framkvæmd kjarakönnunar BSRB fyrir árið 2013 er nú lokið og vill BSRB þakka félagmönnum sínum sem gáfu sér tíma til að svara könnuninni kærlega fyrir þátttökuna. Einnig hefur verið dregið úr innsendum svörum og hljóta þeir heppnu gjafabréf frá Icelandair að verðmæti 60 þúsund hver.

Fjölmiðlanefnd stendur fyrir opnu málþingi um reglur um ritstjórnarlegt sjálfstæði að Hannesarholti við Grundarstíg 10, kl. 14.00 - 16.30 þann 16. maí nk. Á málþinginu verður fjallað um ákvæði laga um fjölmiðla nr. 38/2011 sem gera fjölmiðlum, sem sinna fréttum og fréttatengdu efni, að setja sér reglur um ritstjórnarlegt sjálfstæði starfsmanna.

Neytendasamtökin halda námskeið um réttindi leigjenda þann 15. maí nk. kl.19:30-21:30. Á námskeiðinu verður farið yfir lagaumhverfi leigumarkaðarins og fjallað um þá aðila sem koma að markaðnum. Tilgangur námskeiðsins er að kynna fyrir þátttakendum helstu atriði húsaleigulaga og gera þá betur í stakk búna til að leysa ágreining sem upp kann að koma við framkvæmd samningsins.