Þing BSRB
Þing BSRB fer með æðsta vald í öllum málum bandalagsins. Þingið tekur til umfjöllunar öll þýðingarmikil málefni og mótar stefnu BSRB. Þá er kosið í helstu embætti bandalagsins á þingum þess. Þingið er haldið þriðja hvert ár, ekki síðar en í október.
Þing BSRB var síðast haldið 2-4. október 2024. Aðildarfélög bandalagsins skipa þingfulltrúa í réttu hlutfalli við fjölda félagsmanna.
47. þing BSRB 2. til 4. október 2024
47. þing BSRB var haldið dagana 2. til 4. október 2024 í Reykjavík undir yfirskriftinni „Afl í þágu almennings“. Á þinginu var Sonja Ýr Þorbergsdóttir endurkjörin í embætti formanns BSRB. Fjölnir Sæmundsson, formaður Landssambands lögreglumanna var kosinn 1. varamaður bandalagsins og Arna Jakobína Björnsdóttir endurkjörin í embætti 2. varaformanns. Þá var ný stjórn var kjörin á þinginu.
46. þing BSRB 29. september 2021
46. þing BSRB var haldið þann 29. september 2021 í Reykjavík undir yfirskriftinni „Þjóðin kýs almannaþjónustu“. Vegna sóttvarnarráðstafana var þingið haldið með rafrænum hætti og málefnastarfi frestað þar til á framhaldsþingi. Á þinginu var Sonja Ýr Þorbergsdóttir endurkjörin í embætti formanns BSRB. Þórarinn Eyfjörð var kosinn 1. varamaður bandalagsins og Arna Jakobína Björnsdóttir endurkjörin í embætti 2. varaformanns. Þá var ný stjórn var kjörin á þinginu.
45. þing BSRB 17. til 19. október 2018
45. þing BSRB var haldið dagana 17. til 19. október 2018 í Reykjavík. Alls sátu 199 fulltrúar 26 aðildarfélaga þingið, sem fór fram undir yfirskriftinni „Bætt lífskjör – betra samfélag“. Eins og á fyrri þingum bandalagsins fór fram mikil og góð málefnavinna á þinginu sem birtist meðal annars í endurskoðaðri stefnu bandalagsins og fjölda ályktana. Jafnframt var kosið í embætti bandalagsins og tók nýr formaður við embætti að loknum kosningum.
44. þing BSRB 28. til 30. október 2015
44. þing BSRB fór fram dagana 28. til 30. október 2015 í Reykjavík. Alls voru 239 fulltrúar á þinginu sem að þessu sinni fór fram undir yfirskriftinni „Öflug almannaþjónusta – betra samfélag“. Á þingum bandalagsins fer fram málefnavinna sem birtist m.a. í ályktunum þingsins og nýrri stefnu BSRB. Vinnan fer fram í sérstökum málefnahópum sem voru fimm talsins að þessu sinni. Þá er jafnframt kosið í embætti bandalagsins á þingum þess.
43. þing BSRB 10. til 12. október 2012
43. þing BSRB fór fram dagana 10. til 12. október 2012 í Reykjavík. Alls tóku um 250 félagsmenn aðildarfélaga BSRB sæti á þinginu. Á þinginu fór fram öflug málefnavinna fram alla þingdagana sem birtist m.a. í ályktunum þingsins og nýrri stefnu BSRB sem gefin var út í kjölfarið. Unnið var að lagabreytingum, stefnu þingsins og ályktunum þess. Vinnan fór að mestu fram í hinum ólíku nefndum auk þess sem sérstakar málstofur voru haldnar á þinginu í fyrsta skiptið.