Ráðstefna ASÍ og BSRB í aðdraganda 1. maí 2015 fer fram á þriðjudaginn kemur, þann 21. apríl á Grand hótel, þar sem fjallað verður um hlutverk stéttarfélaga í samfélaginu.
Á fundinum verður farið yfir hlutverk og starf stéttarfélaga og gerð tilraun til að skýra eðli starfsemi þeirra og þjónustuskyldur við félagsmenn. Útgangspunkturinn er reyna að varpa ljósi hlutverk þeirra á vinnumarkaði, innri starfsemi, þátt þeirra í kjara- og velferðarmálum, en einnig að líta til mikilvægi þeirra fyrir félagsmenn. Tekin verða dæmi um styrkjakerfi félaganna, menntkerfin sem þau hafa byggt upp, starf og hlutverk styrktar- og sjúkrasjóða, starfsmenntunarsjóða og annarra sjóða.
Einnig verður litið til verkefna sem snúa að annarri þjónustu við félagsmenn, réttindagæslu, almenna aðstoð og málarekstur og með því reynt að lýsa stöðu stéttarfélaga í velferðarsamfélagi.
Boðið verður upp á morgunverð frá kl. 8:00 og hefst formleg dagskrá upp úr kl. 8:20. Fundarstjóri verður Elín Björg Jónsdóttir formaður BSRB en umræðum að loknum erindum verður stýrt af Helga Seljan og Þóru Arnórsdóttur.
Skráning á fundinn fer fram hér og dagskránna má sjá hér að neðan.
Dagskrá 21. apríl frá kl. 08.00-10.00
08.00-08.20 Morgunverður
08.20-08.40 Staða og hlutverk stéttarfélaganna í samfélaginu – Gylfi Arnbjörnsson
08.40-08.55 Stéttarfélögin og félagsmaðurinn – Árni Stefán Jónsson
08.55-09.10 Stéttarfélögin og félagsmaðurinn – Sigurrós Kristinsdóttir
09.10-09.25 Viðbrögð og spurningar
09.25-09.35 Hvernig eiga stéttarfélögin að þróast? - Guðni Gunnarsson
09.35-09.45 Hvernig eiga stéttarfélögin að þróast? – Þórdís Viborg
09.45-09.55 Viðbrögð og spurningar
09.55-10.00 Samantekt og fundarslit – fundarstjóri
