Fræðslusetrið Starfsmennt hefur tekið saman lista yfir þau raunfærnimatsverkefni sem eru í gangi hjá fræðslu- og símenntunarmiðstöðvum um allt land. Raunfærnimat getur mögulega stytt nám og verið fólki hvatning til að ljúka því.
Raunfærnimat er ætlað fólki 23 ára og eldra sem er með að lágmarki þriggja ára starfsreynslu í sinni starfsgrein. Á haustönn 2020 verða fjölmargar leiðir í boði fyrir fólk í ýmsum starfsstéttum. Nánari upplýsingar veitir hver miðstöð fyrir sig.
Höfuðborgarsvæðið
- Mímir-símenntun: Stuðningsfulltrúi, leikskólaliði, félagsliði, félagsmála- og tómstundafulltrúi, íslenska, danska, enska og stærðfræði.
- Framvegis: Tölvubraut Upplýsingatækniskólans.
- Iðan fræðslusetur: Allar iðngreinar nema rafiðngreinar.
- Rafmennt: Rafiðngreinar, hljóðvinnsla og viðburðalýsing.
Suðurnes
- Miðstöð símenntunar á Suðurnesjum: Fisktækni, almenn starfshæfni, leikskólaliði, stuðningsfulltrúi og félagsliði.
Vesturland
- Símenntunarmiðstöðin á Vesturlandi: Leikskólaliði, stuðningsfulltrúi, félagsliði, almenn starfshæfni, búfræði og verslunarfulltrúi.
Vestfirðir
- Fræðslumiðstöð Vestfjarða: Fisktækni, almenn starfshæfni, almennar bóklegar greinar, félagsliði og leikskólaliði.
Norðurland vestra
- Farskólinn: Leikskólaliði, stuðningsfulltrúi og félagsliði.
Norðurland eystra
- Símey: Fiskveiðar, fiskvinnsla, netagerð, matartækni, matsveinn, skipstjórn, vélstjórn, félagsliði, leikskólaliði, stuðningsfulltrúi, félagsmála- og tómstundafulltrúi.
- Þekkingarnet Þingeyinga: Félagsliði, leikskólaliði og stuðningsfulltrúi.
Austurland
- Austurbrú: Ekkert raunfærnimat á haustönn.
Suðurland
- Fræðslunetið -símenntun á suðurlandi: Ferðaþjónn.
Vestmannaeyjar
- Viska, fræðslu- og símenntunarmiðstöð: Skipstjórn.