Umsögn BSRB um frumvarp til laga um breytingu á lögum um almannatryggingar, nr. 100/2007 (raunleiðrétting), 458. mál
Reykjavík, 23. mars 2021
BSRB hefur fengið til umsagnar frumvarp til beytinga á lögum um almannatryggingar sem hefur það að markmiði að tryggja að greiðslur almannatrygginga hækki til samræmis við launaþróun. BSRB styður það markmið og hefur ítrekað bent á mikilvægi þess að fjárhæðir almanna- og atvinnuleysistrygginga fylgi launaþróun. Myndin hér að neðan sýnir hvernig fjárhæðir framfærslutryggingar örorkulífeyris hafa dregist aftur úr almennri launaþróun. Þróun ellilífeyris er svipuð.
![Mynd með umsögn Mynd með umsögn](/static/files/Myndir/Frettamyndir/Frettamyndir_2021/umsogn-um-mal-458.jpg)
Þegar greiðslur almannatrygginga fylgja ekki launaþróun, þýðir það að öðru óbreyttu, að ójöfnuður eykst. Til að stuðla að jöfnuði er mikilvægt að festa í lög aðferð sem tryggir að greiðslur almannatrygginga dragist ekki aftur úr launaþróun annarra.
Fyrir hönd BSRB
Sigríður Ingibjörg Ingadóttir
hagfræðingur