Fréttir

BSRB stóð fyrir fundi um virðismat starfa með formönnum og starfsfólki aðildarfélaga sl. miðvikudag. Helga Björg Ragnarsdóttir og Rósa Björk Bergþórsdóttir hjá Jafnlaunastofu sveitarfélaga kynntu virðismat og virðismatskerfi, áskoranir við þróun virðismatskerfa og launasetningarmódel og leiddu að því loknu hópinn í verkefnavinnu.

Vinnu­eft­ir­litið hef­ur hleypt af stokk­un­um nýrri her­ferð gegn kyn­ferðis­legri áreitni á vinnu­stöðum undir yfirskriftinni #Tökum höndum saman. Til­gang­ur­inn er að hvetja vinnustaði til að grípa til aðgerða með for­vörn­um, fræðslu og mark­viss­um viðbrögðum þegar slík mál koma upp.

BHM, BSRB og KÍ gera alvarlegar athugasemdir við inngrip ríkissáttasemjara í kjaradeilu Eflingar og SA. Afar fátítt er að miðlunartillögum sé beitt og hefur það helst verið gert á opinberum vinnumarkaði. Þá eru lög nr. 80/1938 um stéttarfélög og vinnudeilur skýr hvað varðar formkröfur fyrir slíkri miðlunartillögu, þ. á m. um skyldur ríkissáttasemjara til samráðs við samningsaðila um slíka tillögu.

Félagar í Póstmannafélagi Íslands samþykktu nýgerðan kjarasamning félagsins við Samtök atvinnulífsins fyrir hönd Íslandspósts með yfirgnæfandi meirihluta í rafrænni kosningu sem lauk í dag klukkan 12.

Heiður Margrét Björnsdóttir, hagfræðingur BSRB er með pistil undir dagskrárliðnum Uppástand á Rúv. Um er að ræða pistlaraðir þar sem unnið er út frá ákveðnu þema og er pistill Heiðar undir þemanu hagsæld. Hér má lesa pistilinn og hlusta á hann.

Sigríður Ingibjörg Ingadóttir, hag­fræð­ing­ur BSRB bend­ir á í grein á heimildin.is að þrátt fyrir að atvinnulífið á Íslandi beri ábyrgð á tæpum 90% losunar en heimilin einungis 11% greiði heimilin samt meirihluta umhverfisskatta á Íslandi.

Formaður BSRB, Sonja Ýr Þorbergsdóttir, með þarfan pistil á Vísi þar sem hún fjallar um mikilvægi þess að endurskoða ríkjandi hugmyndir um hvernig við vinnum vinnuna okkar og nauðsyn frítöku. "Nú er almenn þekking um að t.d. hvíla sig vel fyrir og eftir mikla áreynslu. Lengd kennslustunda og frí frá skóla miðar einnig að þekkingu okkar á getunni til einbeitingar. Vinnustaðamenning er hins vegar of víða enn að ýta undir að fólk örmagnist eða kulni vegna þeirrar ranghugmyndar að mestu afköstin fáist af því að fólk sé alltaf að og (ó)skipulag vinnunnar eykur álag."

Sonja Ýr Þorbergsdóttir. formaður BSRB segir í grein á Kjarnanum tíma til kominn að gera nýjan samfélagssáttmála þar sem jöfnuður og jafn­rétti sé í fyrsta sæti og end­ur­skoða þurfi hug­myndir okkar um verð­mæta­sköp­un. Á næsta ári losni kjara­samn­ingar meiri­hluta aðild­ar­fé­laga BSRB og þær áherslur sem verða í for­gangi í aðdrag­anda kjara­samn­ings­við­ræðna séu jöfnun launa milli mark­aða, end­ur­mat á virði kvenna­stétta og að stytt­ing vinnu­vik­unnar verði fest í sessi og fram­kvæmd hennar lag­færð.

Starfsfólk BSRB óskar þér og þínum gleðilegra jóla og farsældar á komandi ári. Við þökkum samskiptin og samstarfið á árinu sem er að líða.