BSRB

Við höfnum þessari aðför að grunngildum samfélagsins. Velferðin er ekki vandi sem þarf að leysa – hún er sjálf undirstaða þess þjóðfélags sem íslenskur almenningur hefur mótað með vinnu sinni og launum í meira en 100 ár. Velferð er forsenda jöfnuðar, öryggis og félagslegrar samheldni. Án hennar veikist samfélagið, líkt og dæmin sanna.

Ríkisstjórnin er núna með tvö frumvörp í þinginu sem munu skerða grundvallarréttindi launafólks verði þau að lögum. Ráðherrar hafa tekið einhliða ákvarðanir án nokkurs samráðs við samtök launafólks. Þetta er gróf aðför að réttindum launafólks, vinnubrögð sem við eigum ekki að venjast og beinlínis hættulegt.

Varða – Rannsóknastofnun vinnumarkaðarins kynnir nýja skýrslu um fjárhagsstöðu, stöðu á húsnæðismarkaði og heilsu starfsfólks í leik- og grunnskólum í samanburði við annað launafólk

Varða – Rannsóknastofnun vinnumarkaðarins kynnir nýja skýrslu um stöðu félagsfólks í aðildarfélögum ASÍ og BSRB sem starfa í leik- og grunnskólum. 

BSRB tekur þátt í kröfugöngu í Reykjavík og býður gestum og gangandi venju samkvæmt í baráttukaffi í BSRB-húsinu á Grettisgötu 89 að göngu lokinni.

Um síðustu aldamót, þegar verkamannabústaðakerfið var aflagt voru um 7.000 íbúðir í kerfinu eða um 7% íbúða í landinu. Frá því almenna íbúðakerfinu var komið á fyrir 10 árum hafa 1.100 íbúðir verið byggðar fyrir láglaunafólk og eru nú einungis um 0,7% íbúða í landinu fyrir sambærilegan hóp. Félagslegar lausnir í húsnæðismálum vinnandi fólks hafa því verulega gefið eftir og óhætt er að segja að stjórnvöld hafi gjörsamlega brugðist. Fjölgun almennra íbúða fyrir vinnandi fólk er því eitt brýnasta verkefni þeirra sem verða kosin í sveitarstjórnir þann 16. maí nk.

Verkalýðshreyfingin hefur í gegnum tíðina lagt ríka áherslu á húsnæðisöryggi launafólks og verið virkur þátttakandi í uppbyggingu og umræðu um húsnæðismál. Samtökin eiga húsnæðissjálfseignarstofnunina Bjarg íbúðafélag fyrir félaga í aðildarfélögum sínum. Bjarg er burðarás í almenna íbúðakerfinu og hefur frá 2016 byggt yfir 1.000 íbúðir fyrir tekjulágt launafólk.

BSRB, Fíh og KÍ hafna efni frumvarpsins og gera þá kröfu að fjármálaráðherra dragi það til baka.

Fimmtungur þeirra sem eiga bíl eru á rafmagnsbíl (19%) en lang algengast er að fólk á tekjuhærri heimilum eigi rafbíla. Þegar þau sem eiga ekki rafmagnsbíla voru spurð hvort þau væru líkleg eða ólíkleg til að vera á rafmagnsbíl eftir fimm til tíu ár kom fram að tekjuhærri hópar töldu það líklegra en tekjulægri.

Sameining Póstmannafélags Íslands og Sameykis var samþykkt á aðalfundum beggja félaga þann 26. mars síðastliðinn. Með ákvörðuninni verða félagsmenn Póstmannafélagsins hluti af Sameyki og styrkist félagið enn frekar í hagsmunabaráttu fyrir launafólk á opinberum vinnumarkaði.

Hulda Guðmundsdóttir er nýr formaður Kjalar stéttarfélags en hún var kjörinn formaður á aðalfundi Kjalar sem fram fór 26. mars sl. í Hofi á Akureyri.

BSRB hvetur allt launafólk og alla sem láta sig réttindi á vinnumarkaði varða til að senda stjórnvöldum áminningu og skýr skilaboð um að hafna beri afnámi áminningarskyldu.