Fréttir

Það var þétt setið á fundi BSRB, BHM og KÍ í gær þar sem endurmat á virði kvennastarfa var til umfjöllunar. Sóley Tómasdóttir, kynja- og fjölbreytileikafræðingur hjá Just Consulting, Heiður Margrét Björnsdóttir, formaður starfshóps um endurmat á störfum kvenna og hagfræðingur BSRB og Helga Björg Ragnarsdóttir, framkvæmdastýra Jafnlaunastofu héldu erindi

Nýr enskur vefur á heimasíðu BSRB hefur verið settur í loftið. Á nýja vefnum má finna allar helstu upplýsingar um starfsemi BSRB t.a.m. ítarlegar upplýsingar um réttindi og skyldur starfsfólks á opinbera og almenna markaðinum, skipulag, stjórn, starfsfólk, nefndir, stefnumál, fræðslu og styrki.

Fulltrúar úr verkalýðshreyfingunni á Norðurlöndunum komu saman á 50 ára afmælisþingi NFS Norræna verkalýðssambandsins í Osló dagana 27. – 29. september. Sonja Ýr Þorbergsdóttir, formaður BSRB og Sigríður Ingibjörg Ingadóttir, hagfræðingur bandalagsins sóttu þingið fyrir hönd BSRB.

Sonja Ýr Þorbergsdóttir, formaður BSRB, fjallar um styttingu vinnuvikunnar á Kjarnanum í dag. Sonja segir lengd vinnuvikunnar, sem víðast hvar er 40 stundir á viku, ekki náttúrulögmál heldur þvert á móti séu engin vísindaleg rök fyrir henni né byggi hún á þekkingu um hvað geti skilað bestu mögulegu niðurstöðu fyrir einstaklinginn, fjölskylduna, vinnustaðinn og samfélagið allt.

Í nýjasta tölublaði Vísbendingar fer Maya Staub doktor í félagsfræði og sérfræðingur hjá Vörðu yfir starfsemi stofnunarinnar og segir frá þeim fjölmörgu samstarfsverkefnum og rannsóknum sem unnið er að. 

BSRB, BHM og Kennarasambandið standa sameiginlega fyrir fundi um endurmat á virði kvennastarfa. Hægt er að fylgjast með fundinum hér og á facebooksíðu BSRB.

Í samanburði sem Efnahags- og framfarastofnunin OECD birti í tilefni af alþjóðlega jafnlaunadeginum má sjá að launamunur kynjanna er meiri á Ísland en sem nemur meðaltali OECD ríkjanna allra. Þannig er Ísland í 26. sæti á lista yfir 38 lönd.

Starfsfólk Reykjavíkurborgar og ríkis sem sem átti gjaldfallið orlof þann 1. maí 2019 og starfsfólk sveitarfélaga sem átti gjaldfallið orlof 1. apríl 2020 getur tekið það út til 30. apríl 2023.

Kynferðisleg og kynbundin áreitni og ofbeldi er faraldur í vinnuumhverfinu og stjórnvöld verða að sýna raunverulegan vilja til þess að taka á málaflokknum segir Dagný Pind Aradóttir, lögfræðingur BSRB í grein á visir.is.

Aðalsteinn Leifsson, ríkissáttasemjari, kom á fund með samningseiningum BSRB í gær og fjallaði um mikilvægi góðs undirbúnings fyrir samningaviðræður og hvað skipti máli að hafa í huga þegar sest er að samningaborðinu. Í máli Aðalsteins kom fram að góður undirbúningur sem felst m.a. greiningarvinnu, teymisvinnu og samskiptum við baklandið skilar sér í betri árangri og meiri sátt með niðurstöðuna.